Муус устар 29-30 күннэригэр “Манчаары оҕолоро” комплекснай спартакиада иһинэн “Президент күрэхтэһиилэрэ” 6 кылаас оҕолоругар улуус түһүмэҕин күрэхтэһиитэ  буолан ааста. 16 хамаандаттан 96 оҕо кэлэн кытынна,  Төҥүлү, В.П. Ларионов аатынан Майа, Ф.Г. Охлопков аатынан Майа, М.Е. Попов аатынан А-Бэстээх, Павловскай, Хара, Наахара, Табаҕа, Тиэлиги, Таба5а,  Тыыллыма, Тумул, Хорообут, Алтан, Бэдьимэ, Майа лиссиэйин              оҕолоро хамаадаҕа 3 уол 3 кыыс састапптаах түөрт түһүмэҕинэн күрэхтэстилэр, ол курдук хамсаныылаах оонньуулар, многоборье, чэпчэки атлетика, теория конкурса көрүҥнэргэ кииристилэр. 

       Икки күннээх күрэххэ кыайыылааҕынан А.С.Шахурдин аатынан Төҥүлү оскуолатын хамаандата таҕыста, хамаандаҕа Кычкин Радомир, Стручков Айтал, Калачев Максим, Устинова Айаана, Заровняева Дайаана, Григорьева Милена  бааллар. Иккис  Майа лиссиэйин  үөрэнээччилэрэ буоллулар Старков Марат, Гаврильев Артем, Федоров Эрчим, Слепцова Алина, Яковлева Рита , Ларионова Милана   , үһүс миэстэни И.Г. Игнатьев аатынан Хара оскуолатын үөрэнээччилэрэ Скрябин Сулустан, Петров Айаан, Винокуров Дима, Кожокару Саша, Никитина Диана, Сидорова Маша ыллылар.

  Кыайыылаах Төҥүлү оскуолатын хамаандата аны сайын бэс ыйыгар улуус чиэһин көмүскүү республика түһүмэҕигэр кыттыыны ылыаҕа.

Итоговый протокол