Кулун тутар 2-3 күннэригэр Мэҥэ Хаҥалас улууһун оскуолаларын спортивнай кулууптарын күрэхтэһиитэ “Манчаары” спорткомплексыгар, Ф.Г. Охлопков аатынан Майа оскуолатыгар уонна И.Г. Тимофеев аатынан Майа лиссиэйигэр 6-с уонна 7-с кылаас оҕолоругар “Манчаары оҕолоро” комплекснай спартакиада иһинэн ыытылынна.

Улууспутуттан барыта 18 оскуолаттан 216 үөрэнээччи баскетбол 3х3, мини-футбол, чэпчэки атлетика, городки, брейн-ринг көрүҥнэргэ күрэхтэстилэр.

Түмүккэ 1 миэстэни В.П. Ларионов аатынан Майа орто оскуолата, 2 миэстэни А.С. Шахурдин аатынан Төҥүлү орто оскуолатын, 3 миэстэни Ф.Г. Охлопков аатынан Майа орто оскуолатын хамаандалара ыллылар.

Бу күрэхтэһии түмүгүнэн муҥутуур кыайыылаах В.П. Ларионов аатынан Майа орто оскуолатын хамаандатын үөрэнээччилэрэ кулун тутар 10-14 күннэригэр Дьокуускай куоракка СР “Саха сирин кэнчээри ыччаттарын” спартакиадатыгар улууспут чиэһин көмүскүөхтэрэ.

ИТОГОВЫЙ ПРОТОКОЛ