Кулун турар 20 күнүгэр Павловскайдааҕы "Мичээр" оҕо сайдар киинигэр улуустааҕы "Оҕо саас кустуга" ИЗО олимпиадата ыытылынна.

Олимпиадаҕа Ороссолуода оскуолатыттан, Аллараа Бэстээхтээҕи "Сказка", "Солнышко", Майатааҕы "Мичил", "Сардаана", Төхтүрдээҕи "Мичил", Чүүйэтээҕи "Чэчир", Павловскайдааҕы "Лена", "Мичээр" детсадтартан барыта 10 кыттааччы кэлэн ыйытыктарга хоруйдаатылар,

Кыттааччылар "Биэс ынахтаах Бэйбэрикээн эмээхсин" остуоруйаны истэн уруһуйдаатылар, "Ыт иччитин хайдах булбута" остуоруйанан айылҕа матырыйаалларын туһанан айар үлэ оҥордулар.

Оҕолор билиилэрин, айар дьоҕурдарын, сатабылларын сыаналаатылар:

• Захарова Альбина Романовна, улуустааҕы үөрэх салалтатын уопсай отдел оскуола иннинээҕи үөрэхтээһин сүрүннүүр специалиһа;
• Флегонтова Айталина Авксентьевна, В.Н. Оконешников аатынан Павловскай орто оскуолатын уруһуй, черчение учуутала;
• Иванова Татьяна Дмитриевна "Мичээр" оҕо сайдар киинин иитээччитэ.

Олимпиада түмүгүнэн:

1 миэстэ - Аржаков Денис, Майа "Мичил" детсад;

2 миэстэ - Чучина Алиса, Аллараа Бэстээх "Солнышко" детсад;

3 миэстэ - Явловская Айсена, Павловскайдааҕы "Мичээр" детсад.

Анал аат хаһаайыттарынан буоллулар:

Егоров Роберт, Аллараа Бэстээх, "Сказка" детсад - "Лучшая эко-фантазия";

Иванова Арина, Төхтүр, "Мичил" детсад - "Юный теоретик-искусствовед";

Игнатьев Алеша, Чүүйэ "Чэчир" детсад - "Лучший иллюстратор якутских сказок".

Майатааҕы "Кэнчээри" детсадка иитээччинэн ИЗО студия салайааччытынан өр сылларга айымньылаахтык үлэлээбит, ИЗО олимпиадатын биьиги оройуоммутугар бастакынан кеҕулээн ыытан саҕалаабыт, Маркова Анна Прокопьевна уола Марков Прокопий Васильевич дьиэ кэргэнэ бары кыттыбыт оҕолорго уонна кыайыылаахтарга анаан бириистэри бэлэмнээн туруорда.Ыалдьыттар оҕолорго инникитин ситииһэлэри, айар дьоҕурдара арыллан иһэригэр баҕа санааларын эттилэр, кыттыбыт оҕолорго уонна кыайыылаахтарга анал бэлэхтэри туттардылар.