 Кулун тутар 4 күнүгэр «Айар» национальнай кинигэ кыһата Мэҥэ Хаҥалас улууһугар ыалдьыттаата. Ол курдук, Майаҕа М.И.Брызгалова аатынан оҕо библиотекатыгар ытыктабыллаах суруйааччылары, ааҕааччылары уонна кинигэни таптааччылары кытта истиҥ көрсүһүү буолла. Биир дойдулаахпыт суруйааччы Иван Гоголев - Уйулҕан айымньыларын тула кэпсэтиҺии ыытылынна.
АО НИК "Айар" кинигэ кыҺатын генеральнай дириэктэрэ Егоров Август Васильевич 6 киҺилээх дэлэгээссийэтэ кыҺа үлэтин-хамнаҺын билиҺиннэрдэ, атыы-эргиэн быыстапката тэриллэн, кинигэлэр, кэрэ аҥаардарга бэлэхтэр, араас сувенирдар атыыланнылар.
Салгыы Капиталина Семенова - Саар Көстөкүүн КыыҺа оҕолорго аналлаах "Ойуур" остуоруйалара" кинигэтэ сүрэхтэннэ.
"Үрүйэчээн аата" остуоруйаны Майатааҕы Ф.Г.Охлопков аатынан Майа орто оскуолатын 3 "а" кылааҺын үөрэнээччилэрэ инсценировка туруоран (кылаас салайааччыта Находкина Федора Григорьевна) уонна "Хаар кыырпаҕа кыысчаан" остуоруйаны куукула тыйаатырынан "Кэнчээри" уҺуйаан иитээччилэрин "Мичээр" айар түмсүүлэрэ көрдөрөннөр көрөөччүлэр киэҥ сэҥээриилэрин ыллылар.
ТэрээҺин ыҥырыылаах дьонноро:
Мэҥэ Хаҥалас улууҺун култуураҕа уонна духуобунаска салалтатын информационнай-методическай отделын салайааччыта Сосина Г.А., "Майа сэлиэнньэтэ" тыа сирин түөлбэтин баҺылыгы социальнай боппуруоска салайааччыта Пахомова Н.Г., Мэҥэ Ханалас улууҺун үөрэх салалтатын уопсай үөрэхтээҺин сүрүн исписэлииҺэ Захарова А.Р., Майатааҕы "Айар Майа" хоҺоонньуттар түмсүүлэрин салайааччыта Попова Е.С., Майатааҕы "Кэнчээри" оҕону сайыннарар киин дириэктэрэ Романова Е.П. эҕэрдэлээтилэр.
"Айар" кыҺата олохтообут "БАСТЫҤ ААҔАР ДЬИЭ КЭРГЭН" анал ааты "Кэнчээри" уҺуйааҥҥа сылдьар Алеша, Алена кинигэни сэргиир кырачаан ыччаттардаах Марфа Федоровна, Ким Кимович Шахурдиннар дьиэ кэргэн сүктэ.
Бу курдук, бары убаастыыр, холобур оҥостор Капиталина Константиновнабыт биир сонун кинигэтэ улууска сүрэхтэннэ. Инникитин даҕаны айар ыллыга үгүс ааҕааччыны интэриэҺиргэтэ, угуйа турарыгар баҕарабыт. Кини айбыт айымньылара ааҕааччыны толкуйдатар, сэҥээрдэр, умсугутар эйгэлээхтэр.
| 
