Ахсынньы 13 күнүгэр А.В.Чугунов аатынан Мэлдьэхси орто оскуолатыгар улуус үөрэнээччилэригэр биирдиилээн уонна хамаанданан бастыыр иһин дуобакка күрэхтэһии буолан ааста. Күрэхтэһиини үрдүк категориялаах дуобат тренера Куприянов Василий Васильевич сүрүн судьуйалаан уонна быйылгаттан саҥа тренерынан үлэлээн эрэр ДЮСШ тренера Окоемов Константин Афанасьевич ыыттылар. Барыта 9 оскуола, 81 үөрэнээччи кэлэн кыттыыны ылла. Уопсай түмүккэ 1 миэстэ Чугунов аатынан Мэлжьэхси орто оскуолата, 2 миэстэ Чыамайыкы орто оскуолата, 3 миэстэ В.П.Ларионов аатынан Майа орто оскуолата буоллулар. Кыайыылаах оҕолор кэлэр сыл тохсунньу ыйыгар республика первенствотыгар улуус чиэһин көмүскүөхтэрэ.

Бугаев Н.Н.