Бүгүн ахсынньы ый 25 күнүгэр Ф.К. Попов аатынан Баатара оскуолатыгар «Рисование-это тишина для ума и музыка для глаз» Жиркова Любовь Анатольевна айар семинара буолан ааста. Манна улууспут 9 оскуолатыттан, «Кэрэли» оҕону эбии үөрэхтээһин киинтэн педагогтар, учууталлар муһуннулар. (Рассолода, Павловскай, Аллараа Бэстээх №2 , Чүүйэ,Бэдьимэ, Мэлдьэхси, Майа лицея, Майа №1 оскуолалара).

Тэрээһин үөрүүлээх аһыллыытыгар оскуола директора Макаров Г.А., «Кэрэли» оҕону эбии үөрэхтээһин киин методиһа Баишева Е.С., улууска уруһуй хайысхатын учууталларын түмсүүтүн салайааччыта Флегонтова А.А. эҕэрдэ, махтал тылларын эттилэр. Жиркова Л.А. үтүө суобастаах үлэтин, үрдүк таһымнаах көрдөрүүтүн, улууска эбии үөрэхтээһин сайдыытыгар кылаатын иһин, улуус үөрэҕириитин махтал суругунан, «Кэрэли» оҕону эбии үөрэхтээһин киин «Педагог-мастер» түөскэ анньыллар үрүҥ көмүс анал бэлиэнэн үөрүүлээх быһыыга- майгыга бэлиэтэннэ.

Семинар сүрүн тэрээһининэн буолла аһаҕас дьарыктар, маастар-кылаастар, оҕолор анал быыстапкалара. Аһаҕас дьарыгы ыыттылар Жиркова Л.А., Владимирова А.П., маастар кылаастары ыыттылар Зедгенидзева О.Е., Флегонтова А.А., Неустроева В.П., студентка Эверстова Э.Н. Семинарга оскуола оҕолоро олус көхтөөхтүк кытыннылар, бэйэлэрин истиҥ эҕэрдэлэрин сыанаттан эттилэр. Оскуолаларга бу хайысханан ыытылла турар үлэлэри иһиттибит, көрдүбүт, опыт атастастыбыт.

Бу тэрээһин чэрчитинэн «Уол оҕо-норуот көмүскэлэ» улууска кэтэхтэн ыытыллыбыт уруһуй күрэҕин түмүгүн биллэрдилэр. Кыайыылаахтарга дипломнары уонна анал оҥоһуллубут кубоктары туттардылар. Оскуола коллектива бэрт тэрээһини тэрийэн өрүү да буоларын курдук түмсүүлээхтэрин көрдөрдүлэр. Инникитин даҕаны айар аартык арылла турдун.

Баишева Е.С., «Кэрэли» оҕону эбии үөрэхтээһин киин методиһа