Кулун тутар 13 күнүгэр Майа нэһилиэгэр Д.Ф. Ходулов аатынан норуот айымньытын дьиэтигэр Мэҥэ-Хаҥалас улууhун оскуолаларын салайааччыларыгар, учууталларыгар, төрөппүттэрин түмсүүлэригэр уонна 8, 9, 10,11 кылаас үөрэнээччилэригэр Жатайдааҕы техникум салалтатын, үлэhиттэрин уонна устудьуоннарын “Идэҕэ хайысхалааhын-2025» кытары көрсүhүү буолан ааста. Тэрээһиҥҥэ улуус оскуолаларыттан 350 тахса оҕо кыттыыны ылла.

Бу күн үлэлиир ыччакка анаан үөрэххэ киирии дөкүмүөнүн тутар хамыыhыйата үлэлээтэ, оскуола салайааччыларын кытта төгүрүк остуол ыытыллынна, сварка үлэтигэр, электроэнергетикаҕа, судовожденияҕа, робототехникаҕа, мехатроникаҕа, медицинскэй массажка, медицинскэй көмөҕө уонна ас астааhыныгар оҕолорго анаан маастар-кылаастар ыытыллыннылар.Түмүгэр Жатайдааҕы техникум үлэһиттэрин, устудьуоннарын кэнсиэрэ буолла.  

Маннык инники идэҕэ туһаайыы тэрээһиннэрэ оскуола үөрэнээччилэригэр төһүү күүс буолар, сөпкө идэлэрин талалларыгар кыах биэрэр.

Васильева Л.М., информационно-методическай отдел специалиһа