Кулун тутар 14 күнүгэр Д.Ф. Ходулов аатынан култуура киинигэр Майатааҕы «Кэнчээри» оҕону сайыннарар киин музыкальнай салайааччыта, элбэх оҕо ырыатын автора, мелодист Семенова Капиталина Константиновна, «Ырыа ыллыгынан» авторскай күрэһэ 12-ис төгүлүн үрдүк таһымнаахтык буолла. Бу күн ырыа түһүлгэтигэр Мэҥэ-Хаҥалас нэһилиэктэриттэн, ону таһынан Нам улууһуттан кырачаан ырыаны таптааччылар тоҕуоруһа муһуннулар. Уопсайа 16 уһуйаантан 53 нүөмэр кытынна, 256 оҕо чуопчаара ыллаата.

Дьүүллүүр сүбэнэн үлэлээтилэр:

Мария Николаевна Ларионова – Саха Өрөспүүбүлүкэтин Үөрэҕириитин туйгуна, Российскай Федерация уопсай үөрэхтээһиҥҥэ Бочуоттаах үлэһитэ, улуустааҕы үөрэх салалтатын информационнай-методическай отделын сүрүн специалиһа.

Елена Александровна Апросимова – “Кэрэли” эбии үөрэхтээһин киинин педагога, “Мелодика” вокальнай куруһуок салайааччыта, Ил Дархан олохтообут "Саха Өрөспүүбүлүкэтигэр бастыҥ үөрэх эйгэтигэр" бириэмийэтин кыайыылааҕа

Антон Гаврильевич Борисов – Саха Өрөспүүбүлүкэтин Үөрэҕириигэ уонна Култуураҕа туйгуна, Мэҥэ-Хаҥалас улууһун Марина Константиновна Попова аатынан Майатааҕы оҕо музыкальнай оскуолатын духовой кылааһын учуутала.

Түмүккэ кыайыылааҕынан таҕыстылар:

- «Кылаан Чыпчаал» анал аат Соло (3-4 с.) - Торговкина Дарина. Ырыа «Маҥнайгы хаарынан эҕэрдэ». Павловскайдааҕы З.Я. Осипова аатынан «Мичээр» оҕону сайыннарар киин. Салайааччы Егорова Фея Петровна

- «Кылаан Чыпчаал» анал аат Соло (5-7 с.) - Скрябина Сандаара. Ырыа «Хомуһум дьиэрэтиий». Майатааҕы «Кэнчээри» оҕону сайыннарар киин. Салайааччы Семенова Капиталина Константиновна.

- «Кылаан Чыпчаал» анал аат Квартет (5-7с.)- «Мичил» квартет. Ырыа «Мин улаатыам». Г. И.Соловьев аатынан Ороссолуодатааҕы "Күнчээн" орто оскуола-саад. Салайааччы Сергеева Раиса Сулусовна.

 - «Кылаан Чыпчаал» анал аат Ансаамбыл (5-7 с.)- «Ырыа ыллыгынан» ансаамбыл. Ырыа «Хаарчааналар үнкүүлэрэ». Майатааҕы «Кэнчээри» оҕону сайыннарар киин. Салайааччы Семенова Капиталина Константиновна.

- «Кылаан Чыпчаал» анал аат Хор (5-7 с.) - Ырыа «Оҕо саас өрөгөй ырыата». Павловскайдааҕы З.Я.Осипова аатынан «Мичээр» оҕону сайыннарар киин. Салайааччы Егорова Фея Петровна.

Маны таһынан үгэс быһыытынан анал ааттар ааттаннылар, ол курдук:

- «Бастыҥ музыкальнай салайааччы» анал аат – Егорова Фея Петровна. Павловскайдааҕы З.Я.Осипова аатынан «Мичээр» оҕону сайыннарар киин музыкальнай салайааччыта.

Ону таһынан ырыа түһүлгэтин бары кыттыылаахтара, талааннаах оҕолорбут хас биирдии нүөмэрдэрэ сыаналанан лауреат, дипломант аатын сүгэннэр, туспа номинацияларга «Саамай кыра кыттааччы», «Көрөөччү биһирэбилэ» уонна «Ылламатах ырыа» диэн анал ааттар бириистэринэн наҕарааданнылар.

Барҕа махталбытын тиэрдэбит бары музыкальнай салайааччыларга, иитээччилэргэ, кыһамньылаах төрөппүттэргэ. Олоххо истиҥ кэрэ иэйиинэн, иһирэх эрэ санаанан салайтаран олоруҥ, айымньылаахтык, үрдүк таһаарыылаахтык, дьулуурдаахтык үлэлээҥ!

Майатааҕы «Кэнчээри» оҕону сайыннарар киин

музыкальнай салайааччыта, автор, мелодист

Семенова Капиталина Константиновна