Оскуола саҕаттан оҕоҕо араас идэ сатабылын иҥэрэр, үрдүк таһымнаах исписэлиистэри бэлэмниир сыаллаах норуоттар икки ардыларынааҕы «WorldSkills» чемпионат дойду аайы сыллата утумнаахтык ыытыллар. Чемпионат үөрэнээччи сүрэҕэ сөбүлүүр, талаана сытар идэтин таба тайанарыгар оҥкул буолар. Быйыл Мэҥэ Хаҥалас улууһугар «WorldSkills» сэтинньи 30 күнүттэн ахсынньы 19 күнүгэр диэри ыытыллыаҕа. Инники сылларга чемпионаты тэрийиигэ уопуттаах 9 площадкаҕа быйыл 64 хайысха үлэлиирэ былааннанар: В.П.Ларионов аатынан, Ф.Г. Охлопков аатынан Майа оскуоларара, Табаҕа, Павловскай, Аллараа Бэстээх 2 №-дээх орто оскуолалара, Майатааҕы лицей, Төхтүрдээҕи оҕо айымньытын киинэ, Майатааҕы үөрэтэр, оҥорон таһаарар киин, «Кэрэли» эбии үөрэхтээһин киинэ. Улуус үрдүнэн 600-тэн тахса үөрэнээччи сайаапка биэрдэ. Билиҥҥи санитарнай-эпидемиологическай балаһыанньаны учуоттаан, кэмпитиэнсийэлэр быһа эфиринэн, дистанционнай халыыбынан ыытыллыахтара. Биирдиилээн көрүҥнэр финаллаахтар. Онно хамаандалар сүүмэрдээһини ааһан түмүктүүр түһүмэххэ күөн көрсүөхтэрэ. Кыайбыт хамаандалар тохсунньу ыйга өрөспүүбүлүкэтээҕи түһүмэххэ улуус аатын көмүскүөхтэрэ.

Билиҥҥи санитарнай-эпидемиологическай балаһыанньаны учуоттаан, кэмпитиэнсийэлэр быһа эфиринэн, дистанционнай халыыбынан ыытыллыахтара. Биирдиилээн көрүҥнэр финаллаахтар. Онно хамаандалар сүүмэрдээһини ааһан түмүктүүр түһүмэххэ күөн көрсүөхтэрэ. Кыайбыт хамаандалар тохсунньу ыйга өрөспүүбүлүкэтээҕи түһүмэххэ улуус аатын көмүскүөхтэрэ.

Подробнее: https://ulus.media/2020/11/30/me-e-ha-alaska-vorldskills-chempionat-sa-alanna/