Олунньу 5 күнүгэр “Манчаары оҕолоро” улуус үөрэнээччилэригэр комплекснай спартакиада иһинэн ыытыллар волейболга уолаттарга уонна кыргыттарга 1, 2, 3 группалар кыайыылаахтара уонна иккис миэстэлээхтэрэ кэлэн финальнай күрэхтэһиигэ оонньоотулар. Ол курдук уолаттарга Наахара, Ф.Г. Охлопков аатынан Майа, Чыамайыкы, Матта оскуолалара уонна Майа лицейын хамаандалара, кыргыттарга Бэдьимэ, Чыамайыкы, Хорообут, В.П. Ларионов аатынан Майа, Төҥүлү, Табаҕа оскуолаларыттан кытыннылар. 

Күрэхтэһии түмүгүнэн кыайыылаахтарынан уонна призердарынан буоллулар.

Кыргыттарга:

1 миэстэ А.С.Шахурдин аатынан Төҥүлү орто оскуолата;

2 миэстэ Р.А. Бурнашов аатынан Табаҕа орто оскуолата;

3 миэстэ В.П. Ларионов аатынан Майа орто оскуолата.

Уолаттарга:

1 миэстэ Ф.Г. Охлопков аатынан Майа орто оскуолата;

2 миэстэ И.Г. Тимофеев аатынан Майа лицея;

3 миэстэ С.Н. Михайлов аатынан Чыамайыкы орто оскуолата.

Бу күрэхтэһии түмүгүнэн кыайыылаах хамаандалар олунньу 14-15 күннэригэр Дьокуускай куоракка “Көтөр мээчик” республика күрэҕигэр кыттар чиэһи ыллылар.

Күрэхтэһии Р.И. Брызгалов аатынан транспортнай техникум спортзалыгар уонна Т.Пинегин аатынан “Парус” спорт комплексыгар үрдүк таһымнаахтык ыытылынна. Күрэхтэһии тэриллэригэр күүс-көмө буолбут салайааччыларбытыгар Оконешников Иннокентий Афанасьевичка, Захаров Дьулустан Ивановичка, М.Е.Попов аатынан Аллараа-Бэстээх оскуолатын салайааччытыгар Стручков Филипп Александровичка уонна физкультура учууталыгар Тарабукин Андрей Васильевичка махталбытын этэбит.