Муус устар 9 күнүгэр Майа сэлиэнньэтигэр, Филипп Гаврильевич Охлопков аатынан Майа орто оскуолатыгар «Вектор поиска и поиск векторов» диэн тиэмэнэн «Илин Эҥээр» үөрэх уокуругун Форума буолан ааста.

Бу тэрээһиҥҥэ Амма, Чурапчы, Таатта, Уус-Алдан, Мэҥэ-Хаҥалас уонна Томпо улуустарыттан 400-тэн тахса салайааччылар, педагогтар, үөрэх тэрилтэлэрин үлэһиттэрэ, оскуола иннинээҕи саастаах оҕо тэрилтэлэрин исписэлиистэрэ, үөрэх управлениетын, экэниэмикэ сулууспаларын бэрэстэбиитэллэрэ уонна иитии үлэтигэр дириэктэр сүбэһиттэрэ кыттыыны ыллылар.

Форум бырагырааматыгар үөрэх хаачыстыбатын, киэргэтии индустриятын уонна ускуустуба туһунан лекциялар, 8 тиэмэ быһааккатын үлэтэ («Үгэс. Эйгэ. Учитель» бырайыак сессията, ситиһиилэр панорамата, үөрэх хаачыстыбатын туһунан төгүрүк остуоллар, оҕону информационнай кутталтан харыстыыр стратегия, хаачыстыбаны салайар концепция) киирэллэр. Ону таһынан, оскуола бизнес-инкубатордарын, оҕо тэрилтэлэрин быыстапката уонна «Аныгы уруок феномена» диэн методическэй үлэлэр турдулар.

Форум сүрүн түмүгүнэн «Илин Эҥээр» үөрэх уокуругун сайыннарар консорциуму тэрийии буолла.

Бу «Илин Эҥээр» үөрэх уокуругар үһүс төгүлүн ыытыллыбыт Форум буолар: 2023 сыллаахха Амма, 2024 сыллаахха Чурапчы улуустарыгар ыытыллыбыта.

Форум үөрүүлээх арыллыытыгар кыттыыны ыллылар:

• Дмитрий Иванович Тихонов, Мэҥэ-Хаҥалас улууһа муниципальнай оройуон баһылыга.
• Нюргуна Афанасьевна Соколова, Саха Өрөспүүбүлүкэтин үөрэххэ уонна наукаҕа миниистирэ.
• Феодосия Васильевна Габышева, Саха Өрөспүүбүлүкэтин Билим академиятын төрүт тыллары үөрэтэр, харыстыыр уонна сайыннарар киинин салайааччыта, «Бүтүн Арассыыйатааҕы педагогическай мунньах» Саха сиринээҕи салаатын бэрэссэдээтэлэ.
• Васильева Надежда Николаевна, Российскай Федерация норуоттарын төрүт тылларын Федеральнай институтун Саха сиринээҕи филиалын салайааччыта.
• Бугаев Николай Иннокентьевич, үөрэх сайдыытын уонна идэ таһымын үрдэтэр институт доцена.
• Дария Николаевна Санникова, үөрэх сайдыытын уонна идэ таһымын үрдэтэр институт уобсастыбаннай сибээс салаатын салайааччыта.
• Сардана Револьевна Саввина, Арктикатааҕы искусство, култуура уонна айар индустриялар судаарыстыбаннай университетын доцена, тас дойдулар сыһыаннаһыыларын отделын начальнига.
• Мария Витальевна Андреева, Арктикатааҕы искусство, култуура уонна айар индустриялар судаарыстыбаннай университетын библиотека, иһитиннэрии үлэтин уонна гуманитарнай дисциплина кафедратын сэбиэдиссэйэ.
• Сардаана Егоровна Ушницкая, С.Н. Донской - II аатынан Үөрэҕи сайыннарар уонна идэ таһымын үрдэтэр институт дириэктэри солбуйааччыта.

«Заречье» үөрэх форумун былаһааккаларын ис хоһооно

Форум үлэтин түмүгүнэн аныгы үөрэх эйгэтин сүрүн боппуруостарын ырытар 8 тоҕоостоох былаһаакка үлэлээтэ. Хас биирдии хайысха үөрэх хаачыстыбатын тупсарарга уонна саҥа ньымалары тобуларга туһуланна:

1. «Үгэс. Эйгэ. Сатабыл» проектнай сессия

Бу былаһаакка оҕону иитиигэ төрүт култуура уонна аныгы ирдэбил ситимин ырытта.

• Төрүт үгэстэри аныгы үөрэх эйгэтигэр хайдах табыгастаатык киллэриэххэ сөбүн туһунан кэпсэтии буолла.
• Оҕо кыра эрдэҕиттэн төрүт култууратын билэн, олоххо наадалаах дьоҕурдарын сайыннарыытыгар кэскиллээх модельлары оҥоруу.

2. Панорама достижений (Ситиһии панорамата)

Оскуолалар уонна педагогтар бастыҥ уопуттарын көрдөрөр быыстапка-презентация.

• Ситиһиилээхтик олоххо киирбит бырайыактар, граннар уонна методикалар билиһиннэрилиннилэр.
• Бастыҥ уопуту тарҕатыы. Оскуолалар бэйэ-бэйэлэриттэн үөрэнэн, ситиһиилээх кейстары бэйэлиригэр киллэрэр кыахтаннылар.

3. Школы вне зоны риска: оҕону информационнай уонна идеологическай кутталтан харыстыыр стратегия

Аныгы үйэ биир саамай сытыы боппуруоһун ырытар былаһаакка.

• Интернет эйгэтигэр оҕону кибербуллингтан, фейк сонуннартан уонна деструктивнай контенттан хайдах харыстыыр туһунан экспертэр сүбэлэстилэр.
• Учууталларга уонна төрөппүттэргэ оҕо критикэлиир толкуйун сайыннарарга уонна кини информационнай кутталга түбэспэтин хааччыйарга биир кэлим алгоритмы оҥоруу.

4. Пространство профессиональных проб: аныгы уруок феномена

Учууталлар идэтийбит маастарыстыбаларын тупсарар методологическай лаборатория.

• Аныгы уруок тутула хайдах буолуохтааҕын, оҕону хайдах интэриэһиргэтиэххэ сөбүн ырытыы.
• Учуутал «билиини биэрээччи» эрэ буолбакка, оҕо сайдарыгар суолдьут (навигатор) буолар оруолун күүһүртэ.

5. «Муниципальнай сорудаҕы уонна үп-харчынан хааччыйыыны тэрийии бэрээдэгэ» семинар-практикум

Оскуола салайааччыларыгар уонна экономистарга анаммыт техническай былаһаакка.

• Үөрэх экономикатын боппуруостарын, нуормалары уонна үп-харчы отчетун ырытыы.
• Салайааччылар экнономика өттүнэн билиитин үрдэтии. Бюджет үбүн хайдах эффективнайдык туһанан үөрэх программаларын толору олоххо киллэрэри сөпкө былааннааһын.

6. «Үөрэх хаачыстыбата: бүгүҥҥү күҥҥэ сүрүн боппуруостар» төгүрүк остуол

Стратегическай таһымнаах кэпсэтии.

• Үөрэх хаачыстыбатын хайдах сыаналыыбыт? ЕГЭ, ВПР түмүктэрэ уонна оҕо функциональнай грамотноһа.
• Үөрэх сыалын-соругун ситимнээһин. Акадамеческай билии уонна олоххо наадалаах дьоҕурдар (Soft Skills) икки ардыларыгар тэҥнэһиини тобулуу.

7. Формула успеха: эффективнай салайар практикалар

• Хамаанданы хайдах тэрийиэххэ сөбүн, салайааччы лиидерскай хаачыстыбаларын уонна бириэмэни сөпкө туһаныы (тайм-менеджмент) туһунан уопут үллэстии.
• Үрдүк түмүктээх оскуола салайааччытын «ситиһии формулатын» быһаарыы.

8. Үөрэх хаачыстыбата: салайар практикалары үллэстэр эйгэ

Салайааччылар бэйэ-бэйэлэрин кытта ситимнэһэр (нетворкинг) былаһааккалар.

• «Заречье» уокуругун оскуолаларын директордара бэйэлэрин үлэлэригэр көрсөр уустук түгэннэрин уонна ол кыһалҕалары хайдах быһаарбыттарын аһаҕастык кэпсэтиилэрэ.
• Биир кэлим информационнай эйгэни тэрийии. Оскуола инфраструктуратын тупсарыыга, атын тэрилтэлэри кытта ситимнээх үлэни тэрийиигэ бастыҥ кейстары үөрэтии.

Бу 8 былаһаакка үлэтин түмүгүнэн «Заречье» уокуругун үөрэҕин ситимэ саҥа сайдыы суолун, кэскиллээх «вектордарын» тобулар Резолюция ылыныыта буолла.

#Заречье #Образование #ВекторПоиска #ФорумЗаречье