Алтынньы ый 14 күнүгэр Василий Васильевич Скрябин аатынан Чүүйэ орто оскуолата 75 сыллаах үбүлүөйүн үрдүк таһымнаахтык көрүстэ. Биллэринэн 1948 сыллааха Чүүйэҕэ эргэ кулууп дьиэтигэр начальнай оскуола аһыллыбыта, оччотооҕу «Чүүйэ» колхоз председателя Слободчиков Дмитрий Павлович туруорсуутунан оҕолор бэйэлэрин нэһилиэктэригэр үөрэнэр буолбуттара, 1963 сыллааха алта кылаастаах буолбута, 1965 сылтан аҕыс кылаастаах оскуола, 1991 сылтан ситэтэ суох оскуола, 1996 сылтан орто оскуола буолан күн бүгүнүгэр диэри үлэлии олорор.

1998 сыл кулун тутар 18 күнүттэн «Саха Республикатын норуотун хаһаайыстыбатын үтүөлээх үлэһитэ», Мэҥэ-Хаҥалас, Хаҥалас улуустарын бочуоттаах гражданина, Мэҥэ-Хаҥалас улууһун бастакы баһылыга, Санкт-Петербург куоракка Саха Республикатын бастайааннай бэрэстэбиитэлэ Василий Васильевич Скрябин аата иҥэриллибитэ.

Үбүлүөйгэ ыраахтан-чугастан араас сылларга оскуолаҕа үлэлээбит, үөрэммит дьон, үөрэ көрсүһэн, алгыстарын этэн бардылар. Эҕэрдэ тылы Мэҥэ-Хаҥалас улууһун баһылыга Тихонов Дмитрий Иванович, Ил Түмэн депутата Находкин Андрей Михайлович, улуус үөрэх управлениятын начальнигын солбуйааччы Плотникова Ирина Михайловна, улуус үөрэҕириитин профсоюһун председателя Скрябин Иннокентий Михайлович эҕэрдэ тылларын уонна наҕараадалары туттардылар.

Захарова Елизавета Гаврильевна - география учуутала, Кылабысова Мария Филипповна - нуучча тылын уонна литэрэтиирэтин учуутала үөрэх уонна иитэр үлэ эйгэтин тэрийиигэ ситиһиилэрин иһин «Российскай Федерация уопсай үөрэхтээһинин бочуоттаах үлэһитэ” түөскэ кэтиллэр бэлиэнэн, Охлопкова Александра Николаевна саха тылын уонна литэрэтиирэтин учуутала, үөрэх уонна иитэр үлэ эйгэтин тэрийиигэ ситиһиитин иһин «Саха Өрөспүүбүлүкэтин үөрэҕириитин тиһигин бочуоттаах бэтэрээнэ» түөскэ кэтиллэр бэлиэнэн наҕараадаланна. 

Илларионова Любовь Николаевна история уонна обществознание учуутала Саха Өрөспүүбүлүкэтин үөрэҕириитин уонна билимин Бочуотунай грамотатынан, Захарова Варвара Александровна алын кылаас учуутала, Федорова Екатерина Николаевна уруһуй уонна черчение учуутала махтал суругунан наҕараадаланнылар, Скрябин Геннадий Саввич физикаҕа учуутала, Уломжинская Татьяна Павловна алын кылаас учуутала Саха Өрөспүүбүлүкэтин үөрэҕириитин уонна билимин эйгэтигэр хонтуруоллуур уонна кэтээн көрөр департамент махтал суругунан уонна «Учуутал Албан аат» түөскэ кэтиллэр бэлиэнэн наҕараадаланнылар. 

Мэҥэ Хаҥалас улууһун үөрэҕин сайдыытыгар кылааттарын, өр сыллаах, үтүө суобастаах үлэлэрин иһин "Улуус үөрэҕин сайдыытыгар кылаатын иһин" түөскэ кэтиллэр бэлиэнэн Ларионов Яков Романович физическэй култуура учуутала, Тимофеева Валентина Дмитриевна технология учуутала наҕараадаланнылар, «Оройуон иннигэр өҥөлөрүн иһин” диэн остуолга ууруллар бэлиэлээх Мэҥэ Хаҥалас улууһа муниципальнай оройуон дьаһалтатын грамотатынан Дмитриева Марина Андреевна, нуучча тылын уонна литэрэтиирэтин учуутала, Дмитриева Нюргуяна Васильевна, оскуола иннинээҕи бөлөх старшай уһуйааччыта наҕараадаланнылар, Мэҥэ Хаҥалас улууһа муниципальнай оройуон Баһылыгын махталынан Атласова Алена Федоровна оскуола иннинээҕи бөлөх иитээччитэ, Скрябина Марфа Руслановна Чүүйэ орто оскуолатын сүрүн булгаахтыра, Скрябина Мария Николаевна оскуола булгаахтыра бэлиэтэннилэр. Саха Өрөспүүбүлүкэтин Судаарыстыбаннай мунньаҕын (Ил Түмэн) сир сыһыаннаһыыларыгар, айылҕа ресурсаларыгар уонна экологияҕа бастайааннай кэмитиэтин Бэрэссэдээтэлин Бочуотунай грамотатынан Дмитриева Алена Петровна омук тылын учуутала, Никифорова Татьяна Анатольевна алын кылаас учуутала наҕараадаланнылар, Саха Өрөспүүбүлүкэтин Судаарыстыбаннай Мунньаҕын (Ил Түмэн) наукаҕа уонна үөрэххэ бастайааннай кэмитиэтин Бэрэссэдээтэлин бочуоттаах грамотатынан Порядина Варвара Саввична саха тылын уонна литэрэтиирэтин учуутала, Нестерова Февронья Петровна муусука учуутала ыллылар.