 Муус устар 4 күнүгэр Ф.Г. Охлопков аатынан Майа орто оскуолатыгар алын кылаас үөрэнээччилэригэр аналлаах V улуустааҕы «ОСНОВНЫЕ НАВЫКИ - САТАБЫЛ» чемпионат буолан ааста.
Тэрээһин сыала – оҕону кыра эрдэҕиттэн араас идэни кытары билиһиннэрии, бэйэлэрин холонон көрөллөрүгэр анал эйгэни тэрийии.
Күрэх соруктарынан буолаллар:
- уһуйаан саастаах оҕолорго ыытыллар “KidSkills” уонна орто сүһүөх кылаастарга ыытыллар “Профессионалы” күрэхтэри кытары ситими олохтооһун;
- алын кылаас үөрэнээччитин олох араас түгэнигэр бэлэмнээх буоларыгар уһуйуу, тургутуу;
- оҕо профессиональнай толкуйун сайыннарыы.
Күрэҕи иилээн-саҕалаан 5-с төгүлүн тэрийэллэр Ф.Г.Охлопков аатынан Майа орто оскуолатын алын кылаас учууталларын методическэй холбоһуга (сал. Е.Г.Болурова) уонна биирдиилээн компетенция тэрээһинигэр ситимнээхтик кыттыһан үлэлэһэллэр УПЦ, ЦДОТ “Кэрэли”, IT-куб.
Сыллата компетенция көрүҥэ кэҥээн, кыттааччы ахсаана элбээн, интэриэс улаатан иһэр:
2021с. – 5 компетенция, 15 оскуола, 87 кыттааччы,
2022с. – 11 компетенция, 25 оскуола, 201 кыттааччы,
2023с. – 12 компетенция, 23 оскуола, 229 кыттааччы,
2024с. – 9 компетенция, 20 оскуола, 223 кыттааччы,
2025с. – 14 компетенция, 22 оскуола, 233 кыттааччы.
Быйылгы компетенциялар:
1.Поварское дело 1-2 кл. (16 кыттааччы), 3-4 кл. (18 кыттааччы)
2.Лепка 1-2 кл. (28 кыттааччы), 3-4 кл. (17 кыттааччы)
3.Коммуникабельность 1-2 кл. (20 кыттааччы), 3-4 кл. (20 кыттааччы)
4.3D ручка 2кл., 3кл. – 18 кыттааччы
5.Мультимедийная журналистика – 16 кыттааччы
6.Парикмахерское дело – 10 кыттааччы
7.Медицинский и социальный уход – 1-2 кл. (6 кыттааччы), 3-4 кл. (12 кыттааччы)
8.Мода и дизайн – 13 кыттааччы
9.Графический дизайн 1-2кл. (3 кыттааччы), 3-4 кл. (3 кыттааччы)
10.Видеопроизводство 3-4кл. – 5 кыттааччы
11.Кондитерское дело - онлайн, 5 кыттааччы
12.LEGO- конструирование «LEGO-Robot» - 7 кыттааччы
13.Цифровая иллюстрация -9 кыттааччы
14.Пилотирование БПЛА (беспилотных летательных аппаратов) – 10 кыттааччы
Кыттааччылар бары чемпионакка эппиэтинэстээхтик сыһыаннаһан, олус бэлэмнэнэн кэлбиттэрэ тута көстөр: саҥараллара, туттан-хаптан садаанньаларын толороллоро, анал кыттар идэлэрин таҥаһын кэппиттэрэ - барыта көрөргө олус астык.
Чемпионат протоколун Ф.Г. Охлопков аатынан Майа орто оскуолатын сайтыгар билсиэххэ сөп. Бары кыайыылаахтары, миэстэлэспиттэри, анал аатынан наҕараадаламмыттары эҕэрдэлиибит уонна эһиилги үөрэх сылыгар күүтэбит!
Бу тэрээһин алын кылаас үөрэнээччилэригэр эбии сайдалларыгар, араас идэ эйгэтин кытта билсэллэригэр туһалаах буоларын бэлиэтээн, эһиилги үөрэх сылыгар тэрийэр хамыыһыйа бастаан улууспут оскуолаларыгар ыытан, Мэҥэ-Хаҥалас улууһун чиэһин көмүскүүр хамаанданы талан, салҕыы “САТАБЫЛ” чемпионат хабаанын кэҥэтэн Илин Эҥэр улуустарыгар тэрийэр былааннаах.
| 
