Кулун тутар 2 күнүгэр В.П. Ларионов аатынан Майа орто оскуолатыгар М.К. Аммосов аатынан Хотугулуу-Илин федеральнай үнүбүрсүтүөт мэдьисиинискэй үнүстүүтүн кыра мэдьисиинискэй акадьыамыйатын үлэһиттэрэ кэлэн бардылар.

Кэлэр үөрэх дьылыттан мэдьисиинискэй кылаас арыллара былааҥҥа турар. Аһаҕас остуолга оскуола, улуус балыыһата, салалтата уонна ХИФҮ биир тэтимнээх үлэтэ былааннанна. Көрсүһүүгэ төрөппүттэр кыттыыны ыллылар, ыйытыы биэрдилэр.

КМА салайааччыта, биология наукатын хандьыдаата, фармакология уонна фармация кафедратын доцена Ирина Шамильевна Малогулова, КМА салайааччытын солбуйааччыта Светлана Николаевна Скрябина, сиэстиринискэй үлэ кафедратын эссистиэнэ Александра Сергеевна Андреева, Б-СД-21 группа устудьуоннара Носкова Анастасия Денисовна, Прокопьева Аина Васильевна уонна Гуляев Петр Егорович үөрэнээччилэри кытта үлэлээтилэр.

5 кэбиниэтинэн давление кээмэйдиир, маҥнайгы көмө оҥорор, укуол туруорар, бэрэбээскэлиир уонна ыалдьыбыт киһиэхэ хайдах көмө оҥорору үөрэттилэр. В.П. Ларионов аатынан Майа уонна Хара успуорт оскуолаларын 8-11 кылааһын үөрэнээччилэрэ тэрээһини үрдүк таһымаахтык ааста диэн бэлиэтээтилэр.

Кулун тутар ый устата мэдьисиинискэй кылаас үлэтин торумун былаанын оҥорон бүтэрэргэ сыал-сорук турда.

В.П. Ларионов аатынан Майа орто оскуолатын пресс-киинэ