Бүгүн, кулун тутар 20 күнүгэр Балыктаахтааҕы "Звездочка" детсад улуустааҕы "В мире шахмат" диэн семинары ыытта.

Семинары үөрүүлээхтик детсад сэбиэдиссэйэ Антонина Сергеевна Кычкина аста.

Иитээччилэр уонна музыкальнай салайааччы Лена Ивановна Стручкова "Добро пожаловать в страну шахмат" диэн инсценировканы оҕолору кытта көрдөрдүлэр. 

Орто бөлөххө "Шахматы кытта билсии" диэн дьарыгы иитээччи Цыпандина Христина Афанасьевна ыытта. Оҕолор бу дьарыкка көхтөөхтүк кытыннылар. Шахмат фигураларын оонньуу, таабырын, хартыына нөҥүө хатылаатылар. Шахматнай доска хас өҥтөн турарын быһаардылар уонна бу дьарыкка фигуралар ханан туралларын быһаара үөрэммиттэрэ көстөр. 

"Шахматная мозаика" диэн кружок үлэтин Стручкова Надежда Васильевна көрдөрдө, бу кружок бэлэмнэнии бөлөх оҕолоругар ыытыллар. Эмиэ интириэһинэй дьарык. Шахматнай фигуралар ааттарын, хайдах хаамалларын, диагональ, горизонталь, вертикаль диэни билэллэрин көрдөрдүлэр. Иитээччи араас оонньууну, техникалары, ньымалары үөрэтиэххэ сөбүн кэпсээтэ, көрдөрдө.

“Шахматная эстафета" диэн физкультурнай күрэҕи салайааччы Лена Ивановна көрдөрдө. Бу эстафетата 6 партияттан турар (о.э. этаптан). Оҕолорго араас таабырыннары, сорудахтары толотторон, сүүрэн-көтөн, буквалары сааһылаан шахмат фигуратын суруйан таһаардылар (слон), пазл хомуйан эмиэ шахмат фигуратын оҥордулар. Партиялара интириэһинэй буолан оҕолор үөрэ-көтө толордулар да, күрэхтэстилэр даҕаны.

"Использование дидактических игр по шахматам для развития связной речи дошкольников" диэн маастар-кылааһы иитээччи Стручкова Саргылана Васильевна ыытта. Саргылаана Васильевна өр сылга оҕону иитиигэ үлэлиирэ, баай опыттаах буолан борустуой да матырыйаалтан оҕону саҥарар саҥатын сайыннараары бу шахмат нөҥүө араас оонньуулары, хоһооннору айбыта киһини сөхтөрөр. Эбии остуорйа нөҥүө шахмат фигураларын үөрэтэрин көрдөрдө.

Семинарга "Дидактическая игра по обучению шахматам" төрөппүтү кытта үлэни, шахматы үөрэтии мониторинын Протодьяконова Алена Илларионовна, Стручкова Надежда Васильевна, Протодьяконова Алена Илларионовна, Стручкова Надежда Васильевна кэпсээтилэр. Төрөппүтү кытта элбэх, былааннаах үлэ ыыталлара көстөр - араас шахматка сөптөөх оҥоһуктар выставкалара, конкурстара, күрэхтэрэ о.д.а. 

Сынньата таарыйа, семинарга сылдьан төһө шахмат туһунан билбиппитин, билиибитин чиҥэтэн көрдөөх, эриэхэбэй ыйытыктары таайтардылар. Буоларын курдук семинар кэннэ рефлексия буолла. Семинар олус туһалаах, саҥа шахматы саҕалаан үөрэтэр иитээччилэргэ сөптөөх, шахматы оонньуу нөҥүө, тыл сайдыытын нөҥүө, эти-хааны эрчийии кэмигэр үөрэтиэххэ сөбүн бу «Звездочка» детсаад семинарыгар көрдүбүт, үлэбитигэр туһаныахпыт диэн семинартан тарҕастыбыт.

И.В. Протодьяконова, Матта нэһ. "Ньургуһун" детсад иитээччитэ

#ГПН_2023
#ГодПедагогаНаставника