Кулун тутар 19 кγнγгэр Ф.Г.Охлопков аатынан Майа орто оскуолатыгар улуус 3 кылааhын уолаттарыгар аналлаах «Уол оҕо – норуот тирэҕэ» кγрэх буолан ааста.

Филипп Гаврильевич Охлопков - Саха сирин биллэр-кɵстɵр политига, Ил-Тγмэн государственнай мунньаҕын депутата, талааннаах уонна  биллиилээх журналист, Мэҥэ-Хаҥалас улууhун дьоно убаастыыр, тумус туттар киhитэ. Ф.Г.Охлопков γрдγк аатын γйэтитэр, кини сырдык мɵссγɵнэ, ыраламмыт сырдык ырата γγнэн иhэр эдэр ыччакка кɵлγɵнэттэн кɵлγɵнэҕэ бэриллэн иhэрин туhугар туhуланан бу кγрэх ыытылынна.

9 оскуолаттан 12 уол кыттыыны ылла: Тыыллыма, Хапта5ай, Бγтэйдээх, Хорообут, Павловскай, Алын-Бэстээх №1, №2, Матта, Майа Ф.Г.Охлопков аатынан оскуолалар. Ыҥырыылаах ыалдьыт быhыытынан Ф.Г.Охлопков кыыhа Захарова Наталья Филипповна кыттыыны ылла.

Кγрэх γс тγhγмэҕинэн барда.

1 тγhγмэх. «Мин тɵрɵɵбγт дойдум Мэҥэ-Хаҥалас» - ыйытыктарга  суругунан эппиэт. Боппуруостар улуус историятыттан, биллиилээх дьоннор – суруйааччылар, искусство талааннаах дьонноро, айылҕата тематыгар бэриллибиттэрэ.

2 тγhγмэх.  Уус-уран айымньыны талан, ол ис хоhоонунан бэйэ санаатын сааhылаан тыл этии.

3 тγhγмэх. Биллиилээх ыалдьыты кытта бэриллибит темаҕа  аhаҕас кэпсэтиhии. Ол курдук  уолаттары кытта кэпсэтиhиини Винокуров Василий Павлович, «Кыталык» народнай γҥкγγ ансамблын салайааччыта, Саха республикатын  γтγɵлээх γлэhитэ ыытта.

Тγhγмэхтэр сγрγн ирдэбиллэринэн оҕо айымньы ис хоhоонун хайдах ɵйдγγрγн, бэйэтин сыhыанын, толкуйун анааран кэпсиир дьоҕурун кɵрдɵрγγ. Ону таhынан дор5оонноохтук саҥарыы, ыйытыктарга бэйэтин билиитигэр олоҕуран эппиэти биэрии, кэпсэтиhиигэ кыттыы, тоҕоостоох ыйытыылары таба туруоруу, санааны сааhылаан этии турбуттара.

Кγрэх тγмγгγнэн ГРАН ПРИ кыайыылааҕынан Тыыллыма орто оскуолатын 3 кылааhын γɵрэнээччитэ Петров Айсен та5ыста, салайааччы Саха республикатын γɵрэҕириитин γтγɵлээх учуутала Назарова Марфа Николаевна,  Айсен γс тγhγмэххэ барытыгар учугэй бэлэмнээҕин кɵрдɵрдɵ.

Лауреаттар:

I ст. – Павлов Юра, Хаптаҕай орто оскуолата, учуутала Атласова С.В.

II ст. – Филиппов Виктор, Бγтэйдээх орто оскуолата, учуутала Осипова Л.Е.,

III ст. – Сивцев Степа, Ф.Г.Охлопков аатынан Майа орто оскуолата, учуутала Романов Л.А.

Дипломаннар:

I ст. – Туманов Денис, Ф.Г.Охлопков аатынан Майа орто оскуолата, учуутала Романов Л.А.

II ст. – Винокуров Максим, Хорообут орто оскуолата, учуутала Тастыгина Е.В.

III ст. – Шестаков Руслан, Охлопков аатынан Майа орто оскуолата, учуутала Романов Л.А.

Кыайыылаахтар мэтээлинэн,  дипломунан, кинигэ бирииhинэн на5араадаланнылар.

Сынньалаҥҥа «Феникс» оҕо тэрилтэтэ «Уол оҕо – Ийэ дойду кɵмγскээччитэ» диэн байыаннай оонньууну тэрийдилэр, алын кылаас γɵрэнээччилэрин музыкальнай э5эрдэлэрин кɵрдγлэр.