Тохсунньу 26-27 күннэригэр улуус оскуолаларын икки ардыларыгар комплекснай спартакиада балаһыанньатынан 2000 сыллаах төрүөх уонна онтон кыра саастаахтарга группаларынан кыргыттарга уонна уолаттарга уопсайа 352 үөрэнээччини хабан волейболга күрэхтэһиилэр буолан аастылар.

26 чыыһылаҕа кыргыттарга 1 группаҕа 9 хамаанда Н.В. Романов аатынан Төхтүр орто оскуолатыгар, 2-с группаҕа 9 хамаанда С.З.Борисов аатынан Тыыллыма орто оскуолатыгар, 3-с группаҕа 6 хамаанда Ороссолуода орто оскуолатыгар группаларыгар бастыыр иһин күрэхтэстилэр.

Түмүккэ кыргыттарга 1 группаҕа 1 миэстэ Ф.Г.Охлопков аатынан Майа, 2 миэстэ В.П.Ларионов аатынан Майа, 3 миэстэ Н.В. Романов аатынан Төхтүр орто оскуолалара буоллулар. 2 группаҕа 1 миэстэ Табаҕа, 2 миэстэ Бүтэйдээх, 3 миэстэ Тыыллыма орто оскуолалара буоллулар. 3 группаҕа 1 мистэни Бэдьимэ, 2 миэстэни Матта, 3 миэстэни Томтор орто оскуолалара ылары ситистилэр.

Иккис күҥҥэ уолаттарга 1 группаҕа 1 миэстэни В.П.Ларионов аатынан Майа орто оскуолата, 2 миэстэни А.С. Шахурдин аатынан Төҥүлү орто оскуолата, 3 миэстэни Аллараа-Бэстээх 1 № орто оскуолата ыллылар. 2 группаҕа 1 миэстэ Хорообут, 2 миэстэ Тыыллыма, 3 миэстэ Бүтэйдээх орто оскуолалара буолары ситистилэр. 3 группаҕа 1 миэстэ Чыамайыкы, 2 миэстэ Наахара, 3 миэстэ Бэдьимэ орто оскуолалара буоллулар. Күрэхтэһиилэр түмүктэринэн үөрэх министерствота таһаарбыт “Көтөр мээчик” балаһыанньатыгар олоҕуран улууска хамаандалар сүүмэрдэнэн салҕыы былааннаах дьарыктар уонна күрэхтэһиилэр күүтэллэр.