Олунньу 12 күнүгэр Лоомтука бөhүөлэгэр, Д.Ф. Тимофеева аатынан Тыыллыматааҕы «Күнчээн» оҕо уhуйааныгар улуустааҕы оскуолаҕа киириэн иннинээҕи саастаах оҕолор икки ардыларыгар сахаттан бастакы академик Владимир Петрович Ларионов декадатын чэрчитинэн «Тииҥ мэйии» олимпиада буолла.

Улууспут 17 уhуйааныттан 28 оҕо кэлэн кыттыыны ыллылар. Олимпиада үөрүүлээх арыллыытын улахан бөлөх оҕолоро Н.Макарова «Африкаҕа кыһын суох» ырыанан киэргэттилэр, ону тэҥэ эҕэрдэ тылын тиэртэ Тыыллыматааҕы «Күнчээн» уhуйаан сэбиэдиссэйэ Надежда Владимировна Дайбаннырова.

Дьууллуур сүбэ бэрэссэдээтэлэ – Ларионова Мария Николаевна, Мэҥэ-Ханаластааҕы үөрэҕирии салалтатын оскуола иннинээҕи үөрэхтээhин отделын сүрүннүүр специалиhа, чилиэннэрэ: Ксенофонтова Екатерина Николаевна, С.З.Борисов аатынан Тыыллыма орто оскуолатын директоры үөрэх чааhыгар солбуйааччы, Назарова Марфа Николаевна, оскуола алын сүhүөх кылаастар методическай холбоһугун салайааччыта, Свинобоева Саина Николаевна, оскуола алын сүhүөх кылааhын учуутала.

Олимпиада икки түhүмэҕинэн сүрдээх тыҥааhыннаахтык ыытылынна, ахсаан уонна метапредметнай олимпиадаҕа Лауреттар уонна дипломаннар ааттаннылар, муҥутуур кыайыылаах быһаарылынна. Түмүк ахсааҥҥа уонна метаолимпиадаҕа тус туhунан таҕыста.

Ахсаан олимпиадатын түмүктэрэ:

1. Лауреат - Яковлева Вика (45 б) – Майатааҕы «Кэнчээри» оҕону сайыннарар киин, иитээччи Черкашина В.В.
2. Лауреат – Федоров Вася (45 б) – Тыллыматааҕы «Кунчээн» оҕо саада, иитээччилэр Васильева А.Т., Стручкова А.Е.
3. 1 степеннээх Диплом - Ноговицын Миша (40 б) – Балыктахтааҕы «Звездочка» оҕо саада, иитээччи Стручкова С.В.
4. 2 степенээх Диплом – Слепцов Дьулус – Бэдьимэ орто оскулата, иитээччи Санникова С.А.
5. 3 степеннээх Диплом – Клепандин Айдын (36 б) –Төҥүлүтээҕи «Олимпионик» оҕону сайыннарар киин, иитээччи Катакинова С.В., Рожина В.Е.
6. 3 степеннээх Диплом – Романова Анита (36 б) – Павловскайдааҕы «Мичээр» оҕону сайыннарар киин, иитээччи Слободчикова В.В.
7. 3 степенннээх Диплом - Жиркова Василина (36 б) – Алтан орто сокуолата -иитээччи Попова М.В.

Метапредметнай олимпиада түмүктэрэ:

1. Лауреат - Яковлева Вика (31 б) –  Майатааҕы «Кэнчээри» оҕону сайыннарар киин, иитээччи Черкашина В.В.
2. 1 степеннээх Диплом – Аникина Надя (28 б) – Аллараа Бэстээх бастакы нүөмэрдээх оскуолата, иитээччилэр Баишева М.С., Сивцева А.И.
3. 2 степеннээх Диплом– Тихонов Проня (27 б) – Харатааҕы «Кэрэчээн» оҕо саада, иитээччилэр Сидорова Ф.И., Андросова С.П.
4. 2 степеннээх Диплом - Павлова Саша (27б) –   Майатааҕы «Сардаана» оҕону сайыннарар киин, иитээччи Бочкарева Л.И.
5. 3 степеннээх Диплом - Соколов Богдан (26 б) -  Аллараа Бэстээх бастакы нүөмэрдээх оскуолата, иитээччилэр Баишева М.С., Сивцева А.И.

Икки олимпиада түмүгүнэн муҥутуур кыайыылааҕынан 76 баалы ылан Майатааҕы «Кэнчээри» оҕону сайыннарар киин иитиллээччитэ Вика Яковлева ааттанан, Кубок тутта.

Олимпиада кыайыылаахтара улуустааҕы үөрэх салалтатын грамоталарынан, дипломнарынан, туоһу суруктарынан, ону тэҥэ мэдээллэринэн уонна бириистэринэн наҕараадаланнылар.

Оҕолор бары даҕаны үчүгэй бэлэмнээхтэрин көрдөрдүлэр. 

Мустубут иитээччилэргэ, төрөппүтэргэ Д.Ф.Тимофеева аатынан Тыыллыматааҕы «Күнчээн» оҕо уhуйаанын иитээччилэрэ уонна С.З.Борисов аатынан Тыыллыма орто оскуолатын алын сүһүөх учууталлара маастар кылаастары ыыттылар. Маастар кылаастарга проектнай үлэ, алын сүһүөх оскуолаҕа Федеральнай государственнай үөрэх стандартын (ФГОС) ирдэбиллэрин тула сэргэх кэпсэтии таҕыста.