Олунньу 19-20 күннэригэр В.Н. Оконешников аатынан Павловскай орто оскуолатыгар үгэс буолбут улуустааҕы “Сыл бастыҥ учуутала”, “Сыл бастыҥ эдэр педагога” күрэхтэр буолан аастылар.

Күрэхтэргэ уопсайа 24 учуутал билиилэрин, сатабылларын көрдөрдүлэр.

4 түһүмэхтээх “Сыл бастыҥ учуутала” күрэх түмүгүнэн муҥутуур кыайыылааҕынан Ф.Г. Охлопков аатынан Майа орто оскуолатын историяҕа учуутала Устинова Виктория Петровна ааттанна.

Лауреаттар: И.Г. Тимофеев аатынан Майатааҕы лиссиэй математикаҕа учуутала Ларионова Инга Кимовна, В.П. Ларионов аатынан Майа орто оскуолатын физикаҕа учуутала Горохов Сергей Николаевич, Г.М. Артемьев аатынан 2 нүөмэрдээх Аллараа Бэстээх орто оскуолатын химияҕа учуутала Винокурова Татьяна Ефремовна, А.С. Шахурдин аатынан Төҥүлү орто оскуолатын историяҕа, обществознанияҕа учуутала Николаев Александр Александрович.

“Сыл бастыҥ эдэр педагогун” аатын Е.Д. Кычкин аатынан Матта орто оскуолатын алын сүһүөх учуутала Находкина Нарыйа Егоровна сүктэ.

Кеша Алексеев аатынан Хаптаҕай орто оскуолатын саха тылын уонна литературатын учуутала Дмитриева Анастасия Харлампьевна, В.П. Ларионов аатынан Майа орто оскуолатын алын сүһүөх учуутала Заровняева Екатерина Дмитрьевна, Догдоҥо оскуолатын уруһуй, үлэ уруогун учуутала Ильин Игорь Александрович, Г.И. Соловьев аатынан Ороссолуода орто оскуолатын физкультураҕа учуутала Сергеев Петр Петрович лауреаттарынан буоллулар.

Күрэхтэр абсолютнай кыайыылаахтарыгар уонна лауреаттарыгар бириистэри туруорбут үөрэҕирии үлэһиттэрин профсоюһун улуустааҕы территориальнай тэрилтэтигэр (бэрэссэдээтэл Скрябин И.М.), Бурнашевтар, Марковтар, Васильевтар, Ноевтар, Сидоровтар, Романовтар, Семеновтар, Бугаевтар, Баишевтар педагогическай династияларыгар, Эдэр педагогтар улуустаа5ы ассоциацияларыгар (бэрэссэдээтэл Попова А.И., урбаанньыт Кривогорницын С.Г. (Татьяна ма5аьыын) улахан махталбытын тиэрдэбит.

Күрэхтэри үрдүк таһымҥа тэрийэн ыыппыт Павловскай орто оскуолатын кэллэктиибигэр уонна үөрэнээччилэригэр (дириэктэр Петров В.В.) махтанабыт!