Бүгүн, кулун тутар 16 күнүгэр Дмитрий Таас аатынан Хорообут орто оскуолатыгар «Кэскил» психолого-медико-социальнай арыаллааhын киинэ тэрийиитинэн улуустааҕы «Педагог-психолог - 2023» күрэх ыытылынна.

Күрэххэ 4 педагог-психолог кыттыыны ыллылар:

• Александрова Вероника Валерьевна Е.Д. Кычкин аатынан Матта орто оскуолата,
• Варфоломеева Сайаана Ильинична Майатааҕы «Чуораанчык» оҕо уhуйаана,
• Софронеева Айыына Семеновна В.П. Ларионов аатынан Майатааҕы орто оскуола,
• Холмогорова Ирина Лукинична И.М. Романов аатынан Төхтүр орто оскуолата.

Жюринан Плотникова Ирина Михайловна, Мэҥэ-Хаҥалас үөрэҕириитин управлениетын начальнигын солбуйааччыта, Заровняева Варвара Гаврильевна, «Кэскил» психолого-медико-социальнай арыаллааhын киинин педагог-психолога, Сергина Александра Васильевна, Дмитрий Таас аатынан Хорообут орто оскуола педагог-психолога үлэлээтилэр.

Уопсайа үс түhүмэх түмүгүнэн кыайыылаҕынан Варфоломеева Сайаана Ильинична таҕыста. Күрэх кыайыылаҕа салҕыы улуус чиэhин Республикаҕа көмүскүү барар.

Конкурс спонсорынан Мэнэ-Ханалас үөрэҕин үлэhиттэрин профсоюhун комитета (председатель Скрябин И.М.), ИП «Дом шаров» Пинигина Т.Н. буоллулар.

«Кэскил» психолого-медико-социальнай арыаллааhын киинэ

#ГПН_2023
#ГодПедагогаНаставника