Олунньу 9 күнүгэр Мэҥэ-Хаҥалас улууһун үөрэх управлениета, улуустааҕы оҕону эбии үөрэхтээһин киин уонна Мэҥэ-Хаҥалас улууһун Р.Г. Васильев аатынан кыраайы үөрэтэр музей тэрийиилэринэн үтүө үгэскэ кубулуйбут хаһыс да сылын ыытыллар улуустааҕы музейнай олимпиада буолла. Быйылгы олимпиада «Педагогическай маастарыстыба» сылыгар ананна. Маннык тэрээһин оҕо тереебүт кыраайын историятын сиһилии билэригэр, гражданскай-патриотическай иитиигэ, музейнай дьыалаҕа, национальнай культураҕа сыһыарар сыаллаах. Олимпиада хамаанданан икки белеххе араарыллан 5-7 кылаастарга уонна 8-10 кылаас үөрэнээччилэригэр ананна. Олимпиада этаптарыгар 25 ыйытыылаах музейнай- краеведческай викторина, «Биир педагог биографията» музейнай бырайыак конкурса чинчийэр этап, дьиэ кэргэн эбэтэр музейнай реликвияны көмүскээһин буоллулар. Түмүккэ кыттааччыларга туоһу сертификаттар туттарылыннылар. Биирдиилээн дипломаннар, лауреаттар бэлиэтэннилэр. Оттон улуустааҕы музейнай олимпиадаҕа хамаанданан кыайыылаах үрдүк аатын Бүтэйдээх орто оскуолата ылла. Иккис миэстэҕэ Төҥүлү уонна үһүс бириистээх миэстэҕэ Баатаралар тигистилэр.

Зоя Герасимова.