Герой сылыгар анаммыт улуустааҕы «Хоhуун уол» военнай-спортивнай күрэх быйыл онлайн ыытылынна. Күрэх сурун сыала, уол о5ону  спортка интириэhин  үөскэтии,  уол быһыытынан военнай, патриотическай тыыҥҥа, тулуурдаах, хорсун буоларга  иитии.  

Быйылгы күрэххэ улууспут оҕо саадтарыттан барыта 16 уол кытынна.

Курэх бастакы түһүмэҕэр уолаттар И.Чаҕылҕан Герой Попов туһунан ырыаны толордулар. «Военизированнай эстафета» түһүмэххэ уолаттар строевой бэлэмнэрин көрдөрдүлэр, ууруллубут мастар аннынан түhэрбэккэ сыыллан, дулҕалаах сиринэн сүүрэн, туннель аннынан сыыллан, үрдүгү ыстанан, мэhэйдэри эрэллээхтик туораатылар.  

Сахалартан маннайгы Советскай Союз Геройа Ф.К. Попов туhунан билиилэрин тургутуу Zoom нөҥүө ыытылынна. Герой ханна төрөөбүтүн, оҕо сааһын, геройдуу быһыытын, кини хайдах буолуохтааҕын   слайданан көстөр ыйытыларга эппиэттээтилэр.

Уолаттар уhанар дьоҕурдарын тургутан көрөр түһүмэххэ тоhоҕо саайыыта уонна 5х5 буруус мас эрбээhин буолла. Манна уолаттар төһө сатабыллаахтык, сымсатык туттан үлэни толоролоро сыаналанна. Салҕыы уолаттар биир тэннэ хамаанданан баайыллыбыт быаны сүөрдүлэр.

Уопсай түмүк:

• 3 миэстэ - Николаев Георгий, “Мичил” о5ону сайыннарар киин иитиллээччитэ, Майа с., салайааччы Лонгинова Наталья Семеновна,
• 2 миэстэ - Гаврильев Сайаан («Кэрэчээн» детсад иитиллээччитэ, Хара с., салайааччы Макаров Иван Исаевич,
• 1 миэстэ - Винокуров Эрсан, «Кэнчээри», о5ону сайыннарар киин иитиллээччитэ, Майа с., салайааччы Григорьева Дарья Владимировна.

Курэхтэhии судьяларынан Төҥүлү орто оскуолатын физкультура учууталла Эверстов В.С., “Хотой” военнай патриотическай клуб салайаачыта Громов А.С. буоллулар.