Бу дьыл олунньу 20 күнүгэр Майатааҕы «Кэнчээри» оҕону сайыннарар кииҥҥэ үгэс буолбут улуустааҕы «Хабылык» уонна «Хаамыска» сахалыы остуол оонньууларыгар оскуолаҕа киириэн иннинээҕи саастаах оҕолор тэрилтэлэрин иитиллээччилэрин икки ардыларыгар уонна үлэһиттэрин икки ардыларыгар күрэхтэһии буолла.

Күрэхтэһии саха төрүт остуол оонньууларын оскуолаҕа киириэн иннинээҕи саастаах оҕолорго күүскэ тарҕатар, сөбүлэтэр, оҕо толкуйдуур дьоҕурун, мындыр, сымса буоларын сайыннарар сыаллаах-соруктаах быйыл алтыс сылын ыытылынна.

Дьүүллүүр сүбэгэ педагогическай үлэ ветераннара Романова Анна Николаевна, Попова Татьяна Петровна, улууска оскуолаҕа киириэн иннинээҕи саастаах оҕолорго хабылыкка, хаамыскаҕа күрэхтэһиини төрүттээбит иитээччилэр, улуустааҕы үөрэҕириигэ салалтатын оскуолаҕа киириэн иннинээҕи үөрэхтээһин отделын специалиһа Владимирова Татьяна Ивановна, секретарынан Захарова Анна Афанасьевна - Майатааҕы «Кэнчээри»оҕону сайыннарар киин иитээччитэ киирэн үлэлээтилэр.

Улуустааҕы «Хабылык», «Хаамыска» күрэхтэһиитигэр, кустовой методическай холбоһуктар тэрилтэлэринэн ыытыллыбыт оонньуулар түмүктэринэн кыайыылаахтар 13 оҕо тэрилтэтиттэн 14 оҕо хабылыкка уонна 13 үлэһиттэр күөн көрүстүлэр.

Оҕолор «Хабылык» оонньуутугар 20 мастан биирдии маһынан 2 мүнүүтэ иһигэр хабыахтаахтар.

Уопсай түмүк