Ахсынньы 1 күнүгэр К.О. Гаврилов аатынан Бүтэйдээх орто оскуолатыгар улуустааҕы Гавриловскай ааҕыы буолан ааста.

Үтүө үгэскэ кубулуйбут Гавриловскай ааҕыылар биhиги оскуолабытыгар 1995 сылтан ыытыллар буолбуттара. Бу ааҕыылар 2000 сылтан улуустааҕы ааҕыыларга кубулуйбуттара. Онтон ыла, улууспут оскуолаларын үгүс оҕолоро, ону таhынан ыаллыы Амма улууhун Сатаҕай, Алтан, Эмис оскуолаларын үөрэнээччилэрэ кыттыыны ылаллар. Быйылгы ааҕыылар биhиги биллиилээх биир дойдулаахпыт, саха маҥнайгы кэпсээнньиттэриттэн биирдэстэрэ, «Холбос» Респотребсоюhу төрүттээччи Кузьма Осипович Гаврилов аатын үйэтитиигэ, дойдубутугар Педагог уонна уһуйааччы, Саха сиригэр Үлэ, Мэҥэ-Хаҥалас улууһугар Тыа хаһаайыстыбатын, Бүтэйдээх сэлиэнньэтэ төрүттэммитэ 200 сылыгар ананна. Сылын аайы бу күн, сыл устата үрдүк ситиһиилээх учууталга уонна выпускникка Гаврилов аатынан Лауреат бириэмийэтин аймахтарын аатыттан туттарыллар. Быйылгы дьыллаах Лауреаттарынан Семенов Николай Николаевич уонна Роман Реев буоллулар.

Алын кылаас сүһүөхтэригэр уопсайа 104 үөрэнээччи кыттыыны ылла: математика олимпиадатыгар-60, ааҕыыларга-44.

Олимпиадаҕа муҥутуур кыайыылаахтарынан буоллулар:

• 1 кылаастарга-Окороков Эрсан (Мэлдьэхси орто оскуолата)
• 2 кылаастарга-Барашков Максим (Наахара орто оскуолата)
• 3 кылаастарга-Яковлев Дьулусхан (Бүтэйдээх орто оскуолата)
• 4 кылаастарга-Назарова Вика (Бүтэйдээх орто оскуолата).

Ааҕыыларга лауреат үрдүк аатын ыллылар:

• “Мин Бүтэйдээҕим” секцияҕа-Попов Айтал (Бүтэйдээх о/о 1 кыл).
• “Мин сөбүлүүр дьарыгым” секцияҕа-Яковлев Дьулусхан (Бүтэйдээх о/о 3 кыл).
• “Филология” секцияҕа –Назарова Вика (Бүтэйдээх о/о 4 кыл).
• “Эдэр урбаанньыт”-Борисова Вика (Хара о/о 4 кыл).

Орто уонна улахан кылаас оҕолоругар уопсайа 50 үөрэнээччи кытынна.

Лауреат үрдүк аатын ыллылар:

• “География уонна экология” секциятыгар-Сергеева Розанна ( Тиэлиги о/о 10 кыл).
• “История уонна кыраайы үөрэтии” секциятыгар-Охлопкова Алина (Мэлдьэхси о/о 9 кыл)
• “Филолгия” нуучча лит.-Захарова Дарина, Ермолаева Сардаана ( В.Ларионов аатынан Майа о/о 10 кыл.); саха лит-Павлова Диана, Новгородова Арианна (Ларионов аатынан Майа о/о 5 кыл.)
• “Экономика”-Макарова Аайа ( Бүтэйдээх о/о 10 кыл).

Хас биирдии секцияҕа педагогическай үлэ ветеран учууталлара, ХИФУ преподавателлэрэ, тэрилтэ салайааччылара сөптөөх сыанабылы туруордулар.

Кыайыылаахтар, призердар бары сыаналаах бириистэринэн наҕараадаланнылар. Кыттыыны ылбыт оскуола үөрэнээччилэригэр, салайааччыларга, сыаналаабыт экспертэргэ, меценаттарбытыгар махталбытын тиэрдэбит.

К.О. Гаврилов аатынан Бүтэйдээх орто оскуолатын пресс-киинэ