Бүгүн, кулун тутар 28 күнүгэр Д.Ф. Ходулов аатынан норуот айымньытын дьиэтигэр улуустааҕы фитнес-аэробика күрэҕэ буолан ааста. Уопсайа 19 хамаанда 3 бөлөҕүнэн кытыннылар. Күрэҕи Мэҥэ-Хаҥалас улууһун үөрэҕириигэ салалтата уонна Майатааҕы «Чуораанчык» оҕо саада тэрийэн ыыттылар.

Дьүүллүүр сүбэҕэ үлэлээтилэр:

• Борисова Любовь Васильевна - Республикатааҕы фитнес-аэробика 2 категориялаах судьуйата, Майатааҕы Ф.Г. Охлопков аатынан орто оскуола физкультуратын учуутала;
• Соловьева Александра Петровна - Мэҥэ-Хаҥалас улууһун фитнес аэробика федерациятын директорын солбуйааччыта, “Кыталык” народнай ансаамбыл художественнай салайааччыта, Мэҥэ-Хаҥалас улууһун фитнес-аэробика сборнай хамаандатын тренера;
• Брызгалова Нюрбина Михайловна - Хорообут нэһилиэгин “Күн кыырпахтарын” сборнай хамаандатын тренера, фитнес аэробика федерациятын чилиэнэ.

Күрэх түмүгэ:

I бөлөххө:

1 миэстэ - Майатааҕы "Чуораанчык" оҕо саада - 29,4 б.

2 миэстэ - Майатааҕы «Мичил» оҕону сайыннарар киин - 28,2 б.

3 миэстэ - Майатааҕы «Кэнчээри» оҕону сайыннарар киин – 25,7 б.

II бөлөххө:

1 миэстэ - Маттатааҕы «Ньургуһун» оҕо саада - 22,4 б.

2 миэстэ - Төхтурдээҕи «Мичил» оҕону сайыннарар киин - 22,3 б.

3 миэстэ - Майатааҕы «Сардаана» оҕону сайыннарар киин – 20,8 б.

III бөлөххө:

1 миэстэ - Тыыллыматааҕы «Күнчээн» оҕо саада – 20,7 б.

2 миэстэ - Павловскайдааҕы «Лена» оҕо саада – 18,4 б.

3 миэстэ - Тумул орто оскуолата – 18,2 б.

Судьуйалар кыттааччыларга, тренердарга сүбэлэрэ:

Кыттааччылар бэйэлэрин саастарыгар сөп түбэһэр музыканы талыы, доҕуһуоллатыы. Кыттааччылар хамсаныылара тэҥ толорууну ирдэнэр. Атах таҥаһа биир буолара ирдэнэр. Элбэх күрэххэ оҕолору кытыннаран сайдалларын ситиһин.