Муус устар 20-21 күннэригэр Мэҥэ-Хаҥалас улууһун Майа сэлиэнньэтигэр бастакытын улуустааҕы эдэр ыччакка аналлаах «MayaHack» «IT-Хакатон» форматынан марафон күрэх буолан ааста. Хамаанда үс киһиттэн турар: разработчик, дизайнер, менеджер. «Биэрэпис», «Тупсагай эйгэ», «Freecase» диэн үс тиэмэттэн биири талан икки күн устата олоххо киирэр бырайыактары оҥорон таһаарыахтаахтар. Тэрээһини Майатааҕы лиссиэй, ЦДО «Сайдыс» уонна Майа администрацията көҕүлээн ыыттылар.

Барыта 7 хамаанда күөн көрүстэ: «IT-Bullit» (Майатааҕы В.П. Ларионов аатынан орто оскуола уонна Майатааҕы лиссиэй), «Sunset» (Майатааҕы лиссиэй), «MCOSH2» (Майатааҕы Ф.Г.Охлопков аатынан орто оскуола коллектива), «msIT» (Майатааҕы В.П.Ларионов аатынан орто оскуола), «FujiyamaStudio» (Аллараа-Бэстээхтээҕи №1 орто оскуола), «High 5» (Аллараа-Бэстээхтээҕи №2 ортоскуола), «ITMLG» (Майатааҕы лиссиэй).

Күрэх аһыллыытыгар Д.И.Тихонов, Майа сэлиэнньэтин баһылыга, С.Н. Борисова, Майатааҕы И.Г.Тимофеев аатынан лиссиэй үөрэх чааһыгар дириэктэри солбуйааччы, П.А.Судико, «Майа сэлиэнньэтэ» МТ дьокутааттарын сэбиэтин бэрэссэдээтэлэ оҕолорго түмсүүлээх, көдьүүстээх үлэни баҕардылар, алгыс тылларын эттилэр. Экспертарынан үлэлээтилэр: Яков Ефремов, Анна Михайлова, Павел Судико, Екатерина Павлова. Антонина Тастыгина, Аина Никитина, Артур Сотников хамаандаларга сөптөөх хайысхаларын ыйан-кэрдэн биэрэр ментордарынан үлэлээтилэр. В.В.Птицын, Мэҥэ-Хаҥалас улууһун баһылыгын солбуйааччы, Д.И.Тихонов, Майа сэлиэнньэтин баһылыга, Е.С.Решетникова, «Майа сэлиэнньэтэ» МТ түөлбэни кытта үлэ сүрүннүүр исписэлииһэ күрэх судьуйаларынан буоллулар. Фасилитаторынан Майатааҕы И.Г.Тимофеев аатынан лиссиэй информатикаҕа учуутала Зинаида Решетникова үлэлээтэ, күрэх хаамыытын уонна быраабылатын кыттааччыларга билиһиннэрдэ.

Бастакы күн хамаандалар «Idea pitch» форматынан үлэлиир бырайыактарын көрдөрдүлэр, күн устата ментордар уонна экспертар хамаандаларга үлэлэрин хаамыытынан сүбэлээн, быһааран, ыйан-кэрдэн биэрдилэр. Күн түмүгүнэн кыттааччылар толкуйдаан таһаарбыт бырайыактарын экспертарга көмүскээтилэр.

Иккис күн бырайыактарынан түмүктүүр практическай үлэлэр саҕаланнылар.

Икки күннээх күрэх түмүгүнэн 1 миэстэ-«IT-Bullit» уонна 15 тыһ. харчынан наҕараадаланна; 2 миэстэ-«Fujiyama Studio», 12тыһ.; 3 миэстэ-«Sunset», 9 тыһ.; «Лучшая идея» номинацияга «msIT», 5 тыһ.; «Лучшее техническое решение» -«IT MLG», 5 тыһ., «Лучшая презентация» - «High 5», 5 тыь.; «Лучший разработчик»- Рустам Максимов, Майатааҕы лиссиэй 10 кыл. үөрэнээччитэ, 2 тыһ.; «Лучший дизайнер» - Олег Пивоваров, Майатааҕы лиссиэй 10 кыл.үөрэнээччитэ, 2 тыһ.; «Лучший менеджер»- Андрей Краснов, Аллараа-Бэстээхтээҕи №1 орто оскуола 11 кыл. үөрэнээччитэ, 2 тыһ.

ЦДО "Сайдыс"