Ыам ыйын 3 күнүгэр, Хара нэһилиэгин “Чыпчаал” спортивнай комплексыгар улуустааҕы үөрэҕирии салалтата уонна Харатааҕы “Кэрэчээн” уһуйаан тэрийиитинэн, үгэскэ кубулуйбут сылын ахсын ыытыллар оскуолаҕа киириэн иннинээҕи саастаах оҕолорго улуустааҕы “Будущие защитники” строевой хаамыы күрэҕэ олус таһымнаахтык, тэрээһиннээхтик буолан ааста.

Күрэх сүрүн сыала, оҕоҕо төрөөбүт дойдутугар бэриниилээх буолар сыһыаны иитии, хамаанданан үлэлииргэ сатабылы иҥэрии, эти-сиини эрчийии.

Күрэххэ уопсайа улуус тоҕус КМО кыайыылаахтарыттан алта хамаанда талыллан кытыыыны ылла: Павловскай «Лена», Төхтүр «Мичил», Табаҕа «Кэскил», Майа «Кэнчээри», Тыыллыма «Күнчээн», Балыктаах «Звездочка».

Күрэх дьүүллүүр сүбэтинэн буоллулар: Харатааҕы И.Г. Игнатьев аатынан орто оскуола иитии үлэтигэр директор сүбэһитэ, МВД бочуоттаах бэтэрээнэ Горохов Владимир Дмитриевич, социальнай педагог, младший сержант Григорьев Анатолий Николаевич, уөрэҕирии салалтатын иһинэн “Одаренный ребенок” киин салайааччыта Шахурдин Ким Кимович.

Дьүүллүүр сүбэ быһаарыытынан бастакы миэстэни ылла Тыыллыма «Күнчээн», иккис миэстэ - Майатааҕы «Кэнчээри», үһүс  - Табаҕатааҕы «Кэскил» уһуйааннар хамаандалара.

Кыттааччылар бары сертификат, грамота, мэдээл, көһө сылдьар Кубок ылан үөрэн тарҕастылар. Күрэххэ кэлэн кыттыбыт хамаандаларга уонна бэлэмнээбит иитээччилэргэ махталбытын тиэрдэбит, инникитин да кэлэҥҥит көхтөөх кыттыыны ыларгытыгар баҕарабыт.