Олунньу 25 күнүгэр Улуу Кыайыы 80 сылыгар уонна Ийэ дойдуну көмүскээччи сылынан И.Г. Игнатьев аатынан Хара спортивнай орто оскуолатыгар улуустааҕы үөрэҕирии салалтата уонна Харатааҕы “Кэрэчээн” уһуйаан тэрийиитинэн, үгэскэ кубулуйбут бэһис төгүлун ыытыллар оскуолаҕа киириэн иннинээҕи саастаах оҕолорго улуустааҕы “Будущие защитники-2025” строевой хамыы күрэҕэ үрдүк таһымнаахтык буолан ааста.

Күрэх сүрүн сыала, оҕоҕо төрөөбүт дойдутугар бэриниилээх буоларыгар сыһыаны иитии, хамаанданан үлэлииргэ сатабыл, эти-сиини эрчийии.

Уопсайа улуус 18 үөрэх тэрилтэлэриттэн 162 иитиллээччи кыттыыны ылла.

Дьүүллүүр сүбэтинэн үлэлээтилэр:

1. Мэҥэ-Хаҥалас үөрэҕириитин иитии уонна эбии үөрэхтээһин отделын сүрүннүүр специалиһа М.М. Илларионов.

2. Мэҥэ-Хаҥалас уопсай үөрэхтээһин отделын сүрүннүүр специалиһа Ф.А. Плотникова

3. Мэҥэ кэскилэ патриот иитиигэ тирэх киин салайааччыта, оҕо саас сирдьиттэрэ федеральнай проект улуустааҕы координатора М.Д. Монастырева.

4. Мэҥэ-Хаҥалас улууһун ис дьыала уорганын патрульно-постовой сулууспа полициятын сержана Петров И.И.

5. Анал байыаннай дьайыы кыттыылааҕа Данилов А.Г.

Күрэх улахан уонна кыра детсадтарынан икки бөлөххө арахсан ыытылынна.

Түмүкккэ улахан бөлөххө бастакы миэстэни ылла Майатааҕы “Чуораанчык”, иккис Аллараа Бэстээх “Солнышко”, үһүс Харатааҕы “Кэрэчээн” уһуйаан хамаандалара. Иккис бөлөххө бастакы миэстэни ылла Тыыллыма “Күнчээн”, иккис миэстэ Балыктаах ”Звездочка”, үһүс Табаҕа “Кэскил”  уһуйаан хамаандалара. Ону таһынан анал ааттар: “Лучшее исполнение песни” Майатааҕы “Кэнчээри”, “Самая дисциплинированная команда” Аллараа Бэстээх “Сказка”, “За волю к победе” Матта “Ньургуһун”, Майа “Мичил”, “Лучшая военная парадная форма” Павловскай “Лена” детсадтар хамаандаларыгар иҥэрилиннилэр. “Лучший командир” аатын сүктэ Балыктаах “Звездочка” хамандыыра Прибылых Максим.

Кыттааччылар бары сертификат, грамота, анал аат, мэтээл, көһөр кубок ылан үөрэн тарҕастылар.

Күрэххэ кэлэн кыттыбыт хамаандаларга  уонна бэлэмнээбит иитээччилэригэр махталбытын тиэрдэбит, инникитин да кэлэҥҥин көхтөөх кыттыыны ыларгытыгар баҕарабыт.