Олунньу ый 20 күнүгэр, Иннокентий Гаврилович Игнатьев аатынан Хара спортивнай орто оскуолатыгар улуустааҕы үөрэҕирии отдела уонна Харатааҕы “Кэрэчээн” уһуйаан тэрийиитинэн, үгэскэ кубулуйбут сылын ахсын ыытыллар оскуолаҕа киириэн иннинээҕи саастаах оҕолорго улуустааҕы “Будущие защитники 2024” строевой хамыы күрэҕэ олус таһымнаахтык буолан ааста.

Күрэх сүрүн сыала, оҕоҕо төрөөбүт дойдутугар бэриниилээх буоларыгар сыһыаны иитии, хамаанданан үлэлииргэ сатабыл, эти-сиини эрчийии.

Күрэххэ уопсайа улуус тоҕус КМО кыайыылаахтарыттан тоҕус хамаанда талыллан кытыыыны ылла: Павловскай “Лена” уһуйааныттан «Морячки», Төҥүлү «Олимпионик» оҕону сайыннарар кииниттэн “Олимп”, Табаҕа «Кэскил» уһуйааныттан “Кэскил”, Майатааҕы «Чуораанчык» уһуйааныттан “Дьулуур”, Тыыллыма «Күнчээн» уһуйааныттан “Сулус”, Балыктаах «Звездочка» уһуйааныттан “Звездочка”, Харатааҕы “Кэрэчээн” уһуйааныттан “Кэрэчээн”, Аллараа Бэстээх “Сказка уһуйааныттан “Сказка”, Афанасий Васильевич Чугунов аатынан Мэлдьэхси оскуола иннинээҕи сүһүөҕүн иитиллээччилэрэ “Хатыҥчаан”.

Күрэх дьүүллүүр сүбэтинэн буоллулар: Мэҥэ-Хаҥалас үөрэҕириитин иитии уонна эбии үөрэхтээһин отделын сүрүннүүр специалиһа Николай Витальевич Романов, байыаннай дьайыы бэтэрээнэ Афанасий Николаевич Сергеев, спорт күрэҕин дьүүллүүр бастакы категориялаах судьуйа Иннокентий Петрович Максимов.

Түмүкккэ бастакы миэстэни ылла Харатааҕы «Кэрэчээн», иккис миэстэ Майатааҕы «Дьулуур», үһүс Тыыллыматааҕы «Сулус» хамаандата. “Бастыҥ хамандыыр” анал аат иҥэрилиннэ Петрова Мичийээнэҕэ.

Кыттааччылар бары сертификат, грамота, мэтээл, көһөр кубок ылан үөрэн тарҕастылар. Күрэххэ кэлэн кыттыбыт хамаандаларга уонна иитээччилэригэр махталбытын тиэрдэбит, инникитин да кэлэҥҥин көхтөөх кыттыыны ыларгытыгар баҕарабыт.

Харатааҕы “Кэрэчээн” уһуйаан