Бүгүн, алтынньы 23 күнүгэр, И.Г. Игнатьев аатынан Харатааҕы спортивнай орто оскуола саалатыгар Мэҥэ Хаҥалас уһуйааннарын КМО кыайыылаахтарын икки ардынааҕы “Аҕам, ийэм, мин – спорду өрө тутар дьиэ кэргэн - 2025” күрэх ыытылынна. Күрэх улуустааҕы үөрэҕирии салалтата уонна Харатааҕы “Кэрэчээн” уһуйаан тэрийиилэринэн буолан ааста.

Сүрүн сыала – дьиэ-кэргэн чөл туруктаах буоларыгар уһуйуу, спорду көҕүлээһин.

Күрэххэ кустовой методическай холбоһуктартан уопсайа 8 хамаанда кэлэн күөн көрүстүлэр.

Көрүҥнэр:

1. Бэйэни билиһиннэрии

2. Уһуну ыстаныы

3. Аҕалар сиртэн тирэнэн анньыныылара

4. Оҕо уонна ийэ пресс хачайдааһына

5. Сыалы таба быраҕыы

6. Скакалканан ыстаныы

7. Боппуруостарга эппиэттээһин

8. Обручтаах эстафета

Күрэҕи дьүүллээтилэр:

• Артамонова Айталы Дмитриевна – оҕо-ыччат спорт оскуолатын директорын үөрэх чааһын солбуйааччыта, оҕунан ытыы тренера;
• Софронова Александра Петровна – “Мэнэ кэскилэ” патриотическай иитии координационнай киинин бэрэстэбиитэлэ;
• Сидорова Сахаяна Пивоваровна – улуустааҕы движение первых хамсааһын специалиһа.

Тыҥааһыннаах киирсии түмүгүнэн бастакы миэстэни Аллараа Бэстээх “Сказка” детсадтан Ивановтар дьиэ кэргэн ыллылар.

Кыттыбыт дьиэ кэргэн бары сертификатынан уонна өйдөбүнньүк бэлэҕинэн наҕараадаланнылар. Ону таһынан “Мэнэ кэскилэ” патриотическай иитиигэ тирэх киин, “Навигаторы детства” федеральнай проект муниципальнай специалистара күрэх кыайыылахтарыгар бэлэх туттардылар.

Кыайбыт команда ахсынньы ый 13 күнүгэр республиканскай күрэххэ улууспут чиэһин көмүскүү киириэхтэрэ. Ивановтар дьиэ кэргэҥҥэ ситиһиини, кыайыыны-хотууну баҕарабыт!