Ахсынньы 8 күнүгэр, Мэҥэ Хаҥалас улууһугар сахалартан бастакы Сэбиэскэй Сойуус Геройа Федор Кузьмич Попов төрөөбүтэ 99 сылын күнүгэр уонна 2021 сыл улууска Дьоруой сылын көрсө 15 киһилээх хайыһарынан десант айаҥҥа оскуола үөрэнээччилэрэ кыттыыны ыллылар. Улууска оҕолорго старшай тренер Василий Афанасьевич Кононов салайыытынан уөрэнээччилэр, ыччат, аҕам саастаахтар састааптаах хайыһардьыттар бөлөхтөрө Аллараа Бэстээх-Майа-Бөкө-Мэлдьэхси-Бэдьимэ-Сыымах хайысханан сырыттылар. 

Баатара нэһилиэгэр хайыһардьыттар Ф.К. Попов искибиэригэр десаны түмүктээтилэр, оҕолор герой мусуойугар сырыттылар. Ону тэҥэ бу күн бары үөрэх тэрилтэлэригэр военно-патриотическай клубтар, юнармия этэрээттэрэ, үөрэнээччилэр миэстэтигэр дьоруой сылын арыйыы тэрээһиннэрэ үрдүк бэлэмнээхтик буоллулар.

                                                                                  Николай Бугаев, үөрэҕирии салалтатын сүрүннүүр специалиһа