Ахсынньы 13 күнүгэр Дмитрий Таас аатынан Хорообут орто оскуолатыгар улуус үөрэнээчилэригэр биирдиилээн уонна хамаанданан бастыыр иһин дуобакка күрэхтэһии буолан ааста. Күрэхтэһиини үрдүк категориялаах дуобат тренера Куприянов Василий Васильевич сүрүн судьуйалаан ыытта. Улууска дуобат оонньуутун көрүҥэр сүрүннээн  Мэлдьэхси орто оскуолата опыттаах тренердээх үлэлиир. Ол курдук биир бастыҥ уонна эдэр кэскиллээх дуобатчыт, 2017 сылга Аан дойду чемпиона Говоров Проня кыттыыны ылла. Күрэхтэһиигэ, дуобакка бэлэмнээх, талааннаах оҕолору сүүмэрдээһиҥҥэ сыаллаах, барыта 14 оскуолаттан 106 үөрэнээччи кэлэн кыттыыны ылла. Уопсай түмүккэ 1 группаҕа: 1 миэстэ Ф.Г.Охлопков аатынан Майа орто оскуолата, 2 миэстэ В.П.Ларионов аатынан Майа орто оскуолата, 3 миэстэ В.Н.Оконешников аатынан Павловскай орто оскуолата буоллулар. 2 группаҕа: 1 миэстэ Чугунов аатынан Мэлжьэхси орто оскуолата, 2 миэстэ Н.В.Петров аатынан Дьабыл орто оскуолата, 3 миэстэ В.В.Скрябин аатынан Чүүйэ орто оскуолата буоллулар. 3 группаҕа: 1 миэстэ Бырама ситэтэ суох орто оскуолата, 2 миэстэ Бэдьимэ орто оскуолата, 3 миэстэ Алтан орто оскуолата буоллулар.