2022 с. кулун тутар 29 күнүгэр Мэҥэ Хаҥалас улууһун үөрэҕин үлэһиттэрин XXXIV спортка спартакиадата буолан ааста.

Кыттааччылар 7 көруҥҥэ күрэхтэстилэр. Сүрун көрүҥҥэр Т. Пинегин аатынан “Парус” спортивнай комплекса ыытылыннылар. Дьиэ кэргэн күрэҕэр ГТО сүрүн 5 көрүҥэр Төхтүр орто оскуолатыттан Романовтар дьиэ кэргэн бастакы миэстэни ыллылар. Олус интэриэһинэй солун күрэх харбааһыҥҥа 25 миэтирдээх бассейнҥа эстафета буолла. Бу көрүҥҥэ Балыктаах кустовой үөрэҕин тэрилтэлэрэ 1,44 сөкүүндэнэн Аллараа Бэстээх хамаандатын кыайан инники күөҥҥэ таҕыстылар.

Түмүккэ ордук бэлэмнээх, тэрээһиннээх хамаандалар кыайыылаах буоллуллар. Ол курдук 3 миэстэҕэ Төҥүлү кустовой холбоһук үөрэх тэрилтэлэрин хамаандата таҕыста, 2 миэстэҕэ Наахара кустовой холбоһук үөрэх тэрилтэлэрин хамаандата, 1 миэстэҕэ Аллараа Бэстээх кустовой холбоһук үөрэх тэрилтэлэрин хамаандата таҕыста.

Ветераннарга спортивнай шахмат көрүҥэр Максимов В. Г. - 1 миэстэ, Сыромятников Д.В. - 2 миэстэ, Шишигина У.С. - 3 миэстэ, шашкаҕа Аргунов С.П - 3 миэстэ, хабалык-хаамыска көрүҥэр Баишева А.Е. - 3 миэстэ буолуталаатылар.

Спортивнай комплекс салалтатыгар Варламов А.К., Куличкин А.С. уонна тэрийсибит бары инструктордарга Махталбытын тиэрдэбит.

Скрябин И.М., Мэҥэ Хаҥалас улууһун үөрэҕин

үлэһиттэрин Профсоюһун председателэ