Сэтинньи 24 күнүгэр «Кэрэли» оҕону эбии үөрэхтээһин киинигэр улуус оскуолаларын медиа-кииннэригэр аналлаах семинар буолан ааста.

Уопсайа 18 оскуолаттан 37 оҕо, 16 салайааччы кыттыыны ыллылар. Спикердарынан үлэлээтилэр Птицына Марфа Ивановна, улуустааҕы "Эркээйи" хаһыат шеф-редактора, Посельскай Степан Степанович, Алтан орто оскуолатын директора, Шарина Лия Сарыаловна, видеомейкер, СММ-менеджер.

Семинар практическай чааһыгар оҕолор М.К.Попова аатынан Майа музыкальнай оскуолатыгар, Д.Ф.Ходулов аатынан норуот айымньытын дьиэтигэр, Р.Г.Васильев аатынан краеведческай музейга, Майа библиотекатыгар, Кэскил психолого-медико-педагогическай киинигэр сылдьан тэрилтэлэр үлэлэрин-хамнастарын сырдатар видеосюжеттары оҥорон таһаардылар.

Видеосюжеттары ВК сообществоҕа киирэн көрүн: https://vk.com/wall-217382786_1334