Ыам ыйын 18 күнүгэр Мэҥэ-Хаҥалас улууһун оскуола иннинээҕи саастаах оҕолорун Саха Республикатыгар физкультурнай хамсааһын 100 сылыгар анаммыт спартакиадата ыытылынна.

Быйылгы сылга барыта 154 кырачаан спортсмен, 20 оҕо саадын чиэһин көмүскээри бэлэмнэнэн кэлбиттэр.

Мустубут Спартакиада кыттааччыларын, оҕолору, педагогтары, төрөппүттэри “Парус” спортивнай комплекс директорын солбуйааччыта Андриан  Андреевич Захаров эҕэрдэлээтэ.

Эҕэрдэ номердарын Республиканскай Фитнес аэробика чемпионатын кыайыылаахтара Майатааҕы «Чуораанчык», салайааччы Шарина Розалия Андреевна уонна Аллараа Бэстээх “Сказка” оҕо саадтарын иитиллээччилэрэ көрдөрдүлэр.

Спорт бырааһынньыгар мустубут кырачааннар флешмобка үҥкүүлээн, араас хамсаныылаах оонньуулары оонньоон, “Парус” спортивнай уораҕайын сиһилии көрөн-истэн тарҕастылар. Тэрийэр хамыыһыйа аатыттан кыттыбыт, тэрийсибит Майа, Аллараа Бэстээх оҕо саадтарын салайааччыларыгар, үлэһиттэригэр, Тимир Алексеевич Пинегин аатынан “Парус” спортивнай комплекс салайааччыларыгар Дьулустан Иванович Захаровка,  Андриан  Андреевич Захаровка, спорт инструктордарыгар махталбытын биллэрэбит.

ПРОТОКОЛ

М.Н. Ларионова, үөрэҕирии салалтатын кыл. специалиһа