Муус устар 17 күнүгэр Майатааҕы эбии үөрэхтээһин киинигэр Улуу Кыайыы 80 сылыгар ананар “Улуу Кыайыынан кынаттанан, эйэлээх олоҕу тутуоҕуҥ!” улуустааҕы научнай-практическай конференция 5-11 кылаас үөрэнээччилэригэр буолан ааста. Аҕа Дойду Улуу сэриитин кыттыылаахтарын, тыыл уонна үлэ бэтэрээннэрин үйэтитэр сыаллаах патриотическай тэрээһини Мэҥэ Хаҥас үөрэҕириитин салалтата, Р.Г. Васильев аатынан Мэҥэ Хаҥалас кыраайы үөрэтэр түмэлэ быйыл 3-үс төгүлүн тэрийэн ыыттыбыт. Кыттааччы оҕолор Аҕа Дойду Улуу сэриитин уонна тыылга Кыайыыны уһансыбыт бэтэрээннэр бойобуой-килбиэннээх суолларын, дьоһун олохторун чинчийэн-үөрэтэн дакылаат оҥорон, ытык дьоммут сырдык ааттарын үйэтитиигэ ананар  бырайыактарын кэпсээтилэр. Барыта 103 үөрэнээччи 24 оскуолаттан научнай-практическай конференция 4 секциянан кытыннылар. Конференция экспердэринэн Мэҥэ Хаҥалас улууһун бэтэрээннэрин сэбиэтин чилиэннэрэ, улуустааҕы эбии үөрэхтээһин кииннэрин методистара, улуустааҕы киин библиотека специалиһа ыҥырыллан үлэлээтилэр, үөрэнээччилэр дакылааттарын сыаналаатылар уонна бастыҥ үлэлээхтэри быһаардылар. Улуустааҕы конференция лауреаттара, I, II, III истипэннээх дипломаннара грамоталыранан, анал мэтээллэринэн уонна бары кыттыбыт оҕолор грамоталарынан наҕараадалыннылар.

Секцияларынан лауреаттарынан буоллулар:

“Аҕа Дойду Улуу сэриитэ” секцияҕа (5-7 кылаастарга) – Семенов Павлик, Наахара орто оскуолатын 5 кылааһын үөрэнээччитэ (салайааччы Соловьева В.И.), дакылаатын тиэмэтэ “Хос эһэм Семенов Иннокентий Петрович бойобуой сырыытын иһин ылбыт наҕараадалара” уонна Птицына Амелия, Аллараа Бэстээх №2 орто оскуолатын 7 кылааһын үөрэнээччитэ (салайааччыта (Феованова О.О.) дакылаатын тиэмэтэ “Мин эһэм Давлюд А.А. – партизан”;

“Аҕа Дойду Улуу сэриитэ” секцияҕа (8-11 кылаастарга) – Попов Алгыс, Төхтүр орто оскуолатын 9 кылааһын үөрэнээччитэ (салайааччы Тарабукина Д.Е.) , дакылаатын тиэмэтэ “Мин хос эһэм, Аҕа Дойду Улуу сэриитин бэтэрээнэ” – Бытыкиннар уустарыттан;

“Кыайыыны тыылга уһансыбыттара” секцияҕа – Попова Галя, 10 кылаас Моорук орто оскуолатын 9 кылааһын үөрэнээччитэ (салайааччы Егорова Т.Д.), дакылаатын тиэмэтэ “Сэрии сылларыгар Моорук нэһилиэгин олохтоохторун хоргуйуулара”;

“Үйэлэргэ умнуллубат” секцияҕа – Кривошапкин Рустам, Майа В.П. Ларионов аатынан орто оскуолатын 8 кылааһын үөрэнээччитэ (садайааччы Черкашина Н.Г.), дакылаатын тиэмэтэ “Майа сэлиэнньэтиттэн 1941  сыллаахха бастакы хомуурга барбыт сэрииһиттэр бойобуой суоллара” уонна Новиков Георгий, Баатара орто оскуолата 10 кылааһын үөрэнээччитэ (салайааччы Жиркова А.П.) дакылаатын тиэмэтэ “Кыайыы Аал Луук маһа”.

Улуу Кыайыы суолтатын үрдэтэр, Аҕа Дойду Улуу сэриитин уонна тыыл бэтэрээннэрин үйэтитиигэ, үүнэр көлүөнэ Ытык Дьоммутугар махталлаах буолан иитиллэн тахсалларыгар туһаайыллан 2023, 2024 сылларга ыытыллыбыт  улууспут үөрэнээччилэрин чинчийэр үлэлэринэн ыытыллыбыт ааҕыылар түмүктэринэн 50-ча альбом-рапорт уонна быйылгы Кыайыы 80 сылыгар ананар научно-практическай конференция ааҕыллыбыт 91 дакылаат тезистэрэ Р.Г. Васильев аатынан Мэҥэ Хаҥаластааҕы кыраайы үөрэтэр түмэл фондатыгар туттарылыннылар..

Ким да умнуллубат, туох да умнуллубат!

Улуу Кыайыыны уһансыбыт Ытык көлүөнэ дьоммутугар СҮГҮРҮЙЭБИТ! МАХТАНАБЫТ!