Ыам ыйын 9 күнүгэр Аҕа Дойду Улуу сэриитигэр Кыайыы 80 сылыгар ананар “Улуу Кыайыынан кынаттанан, эйэлээх олоҕу тутуоҕуҥ!” улуустааҕы тэрээһин биир сүрүн көстүүтүнэн Мэҥэ Хаҥалас улууһун оскуолаларын байыаннай-патриотическай кулууптарын иитиллээччилэрин уонна Бүтүн Россиятааҕы “Юнармия” этэрээттэрин военизированнай парада буолла. Үүнэр көлүөнэ Кыайыы күнүгэр парада ЫТЫК ДЬОММУТУГАР – сэрии уонна тыыл бэтэрээннэригэр ЫТЫКТАБЫЛЫН, кинилэр хорсун быһыыларынан КИЭН туттарын уонна сырдык ааттарын ҮЙЭТИИТИН бэлиэтинэн үрдүк таһымнаахтык ыытылынна.

Военизированнай парадка улууспут 30 оскуоларыттан 42 параднай расчет барыта 1050 үөрэнээччи кыттыыны ылан, оскуолаларын уонна байыаннай-патриотическай кулууптарын аатын ааттатан  строевой маршынан трибуна иннинэн аастылар. Парады А.А. Нестерев, майор званиялаах саппаас офицер, Аллараа Бэстээх №2 орто оскуола “Олоххо куттал суох буолуутун уонна Аҕа Дойдуну көмүскээһин төрүттэрэ” предмет учуутала хамаанданан салайда.

Улуустааҕы тэрээһиҥҥэ Кыайыы былааҕын Советскай Союз Героя Ф.К. Попов аатынан Баатара оскуолатын кадетскай кылаастарын үөрэнээччилэрэ Попов Айтал, Иванов Игорь, Беляев Антон, Новиков Георгий уонна Российскай Федерация Государственнай былааҕын Аллараа Бэстээх №2 орто оскуола ”Факел” байыаннай-патриотическай кулууп иитиллээччилэрэ Скрябин Минтемир, Ермолаев Влад, Стручкова Варя, Корякина Кира тутан киллэрэр чиэстэннилэр.

Военизированнай парад линейнэй отделениятын Советскай Союз Героя Ф.К. Попов аатынан Баатара оскуолатын кадеттара, отделение командира Кривошапкин Егор салалтатынан толордулар.

Аҕа Дойду Улуу сэриитигэр Улуу Кыайыы 80 сылыгар ананар Мэҥэ Хаҥалас улууһун оскуолаларын эдэр патриоттарын парадын В.П.Ларионов аатынан Майа орто оскуолатын үөрэнээччилэрэ,  “Беркут” ВПК иитиллээччилэрин 5 взводтара тэтим көтөҕөн саҕалаатылар. Командирдар: Иванов Айтал, Парников Владислав, Ксенофонтов Владимир, Яковлев Александр, Сыромятников Никита.

Салгыы улуус оскуолаларын параднай расчеттара бигэргэммит бэрээдэгинэн строевой маршынан трибуна иннинэн аастылар:

• Аллараа Бэстээх №2 оскуолатын “Факел” байыаннай-патриотическай кулуубун 3 взвода, командирдар Никитин Егор, Кузнецов Богдан, Винокуров Спартак.
• Алтан уонна Моорук орто оскуолаларын холбоһуктаах расчета, командир Лобанов Эрчим, Моорук орто оскуолатын 9 кылааһын үөрэнээччитэ.
• К.О.Гаврилов аатынан Бүтэйдээх орто оскуолатын “Хоһуун” ВПК, командир Попов Сайаан, 9 кылаас үөрэнээччитэ.
• М.П.Габышев аатынан Балыктаах орто оскуолатын “Дьулурҕан” ВПК, командир Неустроев Николай, 10 кылаас үөрэнээччитэ.
• Ф.Г.Охлопков аатынан Майа оскуолатын “Болот” байыаннай-патриотическай кулуубун 4 взвода. Командирдар: Борисов Андрей, Яковлев Айсен, Верховцев Айсен, Никифоров Дархан.
• Е.П.Шестаков-Эрчимэн аатынан Бырама уонна А.А.Пахомов аатынан Тиэлиги оскуолаларын холбоһуктаах взводтара, командир Романов Тимур, Бырама оскуолатын 9 кылаас үөрэнэччитэ.
• Н.Д.Неустроев аатынан Бэдьимэ орто уонна Догдоҥо сүрүн оскуолаларын холбоһуктаах расчета, командир Плотников Арсен, Бэдьимэ оскуолатын 10 кылааһын үөрэнээччитэ.
• Н.В.Петров аатынан Дьабыыл уонна бырааттыы ГА., А.А. Пономаревтар ааттарынан Томтор орто оскуолаларын холбоһуктаах взвода, командир Киренскай Иван, Дьабыыл оскуолатын “Уолан” ВПК иитиллээччитэ.
• И.Г.Тимофеев аатынан Майа лицейин “Дохсун” байыаннай-патриотическай кулуубун 3 взвода. Командирдар: Исаков Данил, Баишев Федор, Филиппов Роман.
• Е.Д. Кычкин аатынан Матта оскуолатын “Рысь” ВПК, командир Находкин Тимофей.
• А.В. Чугунов аатынан Мэлдьэхси орто оскуолатын взвода, командир Михайлов Руслан.
• Р.А.Бурнашов аатынан Табаҕа орто оскуолатын взвода, командир Владимиров Максим.
• М.Е.Попов аатынан Аллараа Бэстээх орто оскуолатын “Доблесть” байыаннай-патриотическай кулуубун 3 взвода. Командирдар: Соловьев Айтал, Скрябин Вадим, Потапов Андрей.
• И.И.Платонов аатынан Наахара орто оскуолатын взвода, командир Захаров Гаврил.
• В.Н.Оконешников аатынан Павловскай орто оскуолатын “Эрдээх санаа” байыаннай-патриотическай кулуубун 3 взвода. Командирдар: Павлов Василий, Попов Антон, Федоров Максим.
• Г.И.Соловьев аатынан Ороссолуода орто оскуолатын “Факел” ВПК, командир Харитонов Өркөн.
• А.С.Шахурдин аатынан Төҥүлү оскуолатын “Хотой” ВПК, командир Баишев Артем.
• И.М.Романов аатынан Төхтүр оскуолатын Аҕа Дойду Улуу сэриитин ветерана С.М.Дмитриев аатынан ВПК, командир Романов Тимур.
• Социалистическай үлэ Героя Т.Г.Десяткин аатынан Тумул орто оскуолатын взвода, командир Куличкин Артем.
• С.З.Борисов аатынан Тыллыма орто оскуолатын взвода, командир Дайбанныров Айтал.
• Гражданскай сэрии Героя Кеша Алексеев аатынан Хаптаҕай орто оскуолатын взвода, командир Кычкин Айгылаан 10 кылаас үөрэнээччитэ.
• Дмитрий Таас аатынан Хоробут оскуолатын “Юный патриот” ВПК, командир Олесов Михаил.
• ВВ. Скрябин аатынан Чүүйэ орто оскуолатын “Мохсоҕол” ВПК уонна Батара орто оскуолатын холбоһуктаах взвода, командир Чүүйэ оскуолатын үөрэнээччитэ Федоров Ньургун.

Парады улууспут спорка саамай үрдүк көрдөрүүлээх И.Г.Игнатьев аатынан Хара спортивнай оскуолатын үөрэнээччилэрэ, “Арҕас” байыаннай-патриотическай кулуубун иитиллээччилэрин 2 взводтара эрчимнээх маршынан түмүктээтилэр. Командирдар: боксаҕа оҕолорго республика уонна Уһук Илин Федеральнай уокурук чемпионнара: Санников Айтал, Эверстов Ренат.

Улуу Кыайыы 80 үбүлүөйдээх сылыгар ыытыллыбыт военизированнай парад улууспут  оскуолаларын оҕолорун Аҕа Дойдуга бэринилээх буолууга уһуйуу сөптөөх хайысханан ыытылларын, инникигэ эрэллээх  кэнчээри ыччат үүнэн-сайдан тахсан эрэрин кэрэһитинэн буолла.

Улуу Кыайыыны аҕалбыт Ытык дьоммутун -  сэрии уонна тыыл бэтэрээннэрин УМНУБАППЫТ, кинилэр сырдык ааттарыгар МАХТАНАБЫТ, СҮГҮРҮЙЭБИТ!