Бүгүн, алтынньы 22 күнүгэр, Д.Ф. Тимофеева аатынан Тыыллыматааҕы "Күнчээн" уһуйааҥҥа оскуола иннинээҕи саастаах оҕолору олимпиадаҕа бэлэмниир сыаллаах семинар-практикум буолла. Семинарга барыта улуус араас уһуйааннарыттан 58 педагог кыттыыны ылла.

Күн бастакы аҥарыгар иитээччилэр аһаҕас дьарыктары көрдүлэр, маастар-кылааска кыттыыны ыллылар. Күн иккис аҥарыгар С.З Борисов аатынан Тыыллыма орто оскуолатын алын сүһүөх учууталлара Назарова М.Н., Назарова Х.А., методическай холбоһук салайааччыта Игнатьева Д.Д., оскуола үөрэтэр-иитэр үлэҕэ дириэктэри солбуйааччы Ксенофонтова Е.Н. кэлэн математика уонна метаолимпиада сорудахтарын ырытыһыы, уһуйаан уонна оскуола биир кэлим үлэтин сыалын-соругун чопчулааһын боппуруостарыгар кэпсэтии буолла. Инники 5 сылга улууска ыытыллыбыт олимпиадалар түмүктэрин ырытыы кэнниттэн, оҕолор бэлэмнэрэ тупсубутун, араас сылларга олимпиадаҕа кыайыылаах буолбут оҕолор, кэлин оскуолаҕа киирэн баран эмиэ араас олмпиадаларга, НПК-га салгыы кыттан ситиһиилэнэллэрин бэлиэтээтилэр.

Түмүккэ "Задания улусной олимпиады по математике среди подготовительных групп детских садов МР "Мегино-Кангаласский улус"" уонна "Задания улусной метаолимпиады среди подготовительных групп детских садов МР "Мегино-Кангаласский улус"" диэн ааттаах пособиялары иитээччилэр тутан, үлэлэригэр улахан көмө буолуо диэн тарҕастылар.