Ахсынньы 18 күнүгэр Ороссолуода орто оскуолатыгар "Тыа сирин педагога-2025" диэн тыа сирин учууталларын уонна иитээччилэрин идэтийбит маастарыстыбатын күрэҕэ үрдүк таһымнаахтык ыытылынна.

Бу тэрээһиҥҥэ уопсайа 12 педагог: 9 учуутал уонна 3 иитээччи кыттыыны ыллылар.

Күрэххэ кыттааччылар бэйэлэрин дьоҕурдарын уонна идэлээх маастарыстыбаларын араас хайысхаларынан көрдөрдүлэр: уруок, маастар-кылаас ыытыыта, социальнай бырайыак көмүскээһинэ.

Маннык тэрээһиннэр тыа сирин оскуолаларын уонна оҕо саадтарын сайдыытыгар төһүү күүс буолаллар.

Күрэх түмүгүнэн кыайыылаахтар ааттаннылар:

"Муҥутуур кыайыылаах" - Архипова Айыына Афанасьевна, Моорук орто оскуолатын география уонна история учуутала.

Лауреат - Попова Туйара Егоровна, Наахара орто оскуолатын иитээччитэ.

Лаурает - Назарова Харитина Александровна, Тыыллыма орто оскуолатын алын сүһүөх учуутала.

Лауреат - Захарова Прасковья Егоровна, Чыамайыкы орто оскуолатын математика учуутала.

Кыайыылаахтары эҕэрдэлиибит! Бары педагогтарга махтанабыт уонна инники үлэҕитигэр өссө үрдүк ситиһиилэри баҕарабыт!