Муус устар ый 23 күнүгэр «Кэрэли» оҕону эбии үөрэхтээһин Киин тэрээһининэн Р.Г. Васильев аатынан улуустааҕы кыраайы үөрэтэр түмэлгэ Арассыыйаҕа Дьиэ-кэргэн, Саха Өрөспүүбүлүкэтигэр Оҕо саас, Мэҥэ Хаҥалас улууһугар Тыа хаһаайыстыбатын, Майа сэлиэнньэтигэр Чөл олох сылын чэрчитинэн «Туой эйгэтэ» айар үлэ түмүллүүтэ» диэн педагогтар айар быыстапкалара турда.

Быйылгы турбут быыстапка автордарынан буоллулар:

• Яковлева Татьяна Борисовна «Керамика» кружок салайааччыта Кулун атах култууратыгар булуллубут туой иһиттэри үтүктэн оҥорон уонна туойтан аныгылыы моһуонннаах сахалыы иһиттэри көрдөрүүгэ туруорда.
• Шестакова Саргылана Павловна «Мин 4 атахтаах доҕорум» «Мультипликация» кружок салайааччыта туойтан скульптурнай оҥоһуктары оҥорон туруорда. Манна үгүс үлэтэ айылҕа кыылларын дьүһүйүүтэ буолар, ол курдук «Аар тайҕа маанылаах кыыла», «Эһэлэр», «Тайах», «Тыа сирим барахсан», «Сылгыһыт» о.д.а.
• Ефимова Мария Владимировна «Чудеса из полимерки» кружок салайааччыта, Мэҥэ Хаҥалас улууһун кукольниктар түмсүү чилиэнэ куукула араас көрүҥнэрин уонна кружок оҕолорун ситиһиилээх үлэлэрин туруорда.   
• Бу үгэс буолбут тэрээһиҥҥэ сылын аайы «Оҕо маастар» диэн анал аат иҥэриллэр, манна эбии үөрэхтээһин кружок үөрэнээччитэ, үгүс ситиһиилэрдээх улуус, республика таһымыгар тахсыбыт буолар. Оннук оҕонон быйылгы дьылга ааттанна уонна быыстапкаҕа турда Семенова Сардаана «Кэрэли» оҕону эбии үөрэхтээһин киин «Ситии» кружок иитиллээччитэ, И.Г. Тимофеев аатынан Майа лицейын 11 кылаас үөрэнээччитэ. Сардаана кылтан-сиэлтэн оҥоһуктарын туруорда, салайааччыта Уваровская А.В.

Күн үөрүүлээх чааһа «Оһох сылааһа» уус-уран үҥкүү композициятынан саҕаланна сал. Васильева Ю.И. Дьон тоҕуоруһа мустан быыстапка аһыллыыта олус истиҥник барда. Манна Майа сэлиэнньэтин дьаһалтатын, улуустааҕы үөрэх управлениятын, Р.Г. Васильев аатынан улуустааҕы кыраайы үөрэтэр түмэлин, И.Г. Тимофеев аатынан Майа лиссиэйин, аймахтар ааттарыттан истиҥ тыллар этилиннилэр. «Педагог-мастер» анал аат иҥэрилиннэ Яковлева Т.Б, Шестакова С.П., Ефимова М.В. Тэрээһин чэрчитинэн улахан маастар-кылаастар ыытылыннылар, манна маастардарбыт кэлбит дьоҥҥо бэйэлэрин сатабылларын көрдөрдүлэр. Бу быыстапка нэдиэлэ турара былааннанар.

Баишева Е.С., методист