1874 сыл тохсунньу 19 күнүгэр Илин Хаҥалас улууһугар Ороссолуодаҕа маннайгы оскуола аһыллыбыта. Бу бэлиэ күн улуус баһылыга Д.И. Тихонов дьаһалынан Мэҥэ-Хаҥаласка үөрэҕирии төрүттэммит күнүнэн биллэриллибитэ.
Бүгүн улууска үөрэҕирии төрүттэниитигэр дьоһун оруоллаах Илин Хаҥалас улууһун кулубата Герасим Иванович Соловьев памятнигар сибэкки дьөрбөтүн ууруу үөрүүлээх тэрээһинэ ыытылынна. Кыттыыны ыллылар улуус баһылыга Д.И. Тихонов, улуустааҕы үөрэх салалтатын начальнига Г.Н. Толстяков, нэһилиэк баһылыга И.В. Макаров, оскуола дириэктэрэ И.В.Барабанов.
IT -куб үлэһиттэрин оҥорон таһаарбыт Мэҥэ Хаҥалас үөрэҕириитин ситимин сайдыытын кэпсиир виртуальнай карта оскуола түмэлигэр туттарылынна. Сиһилии карта ис хоһооно: https://мк-обр150.рф
Бү күнтэн тохсунньу 31 күнүгэр диэри Мэҥэ Хаҥалас үөрэҕириитин 150 сылын түмүктүүр араас тэрээһиннэр былаанынан ыытыллыахтара. Ол курдук аһаҕас дьоһуннааҕы кэпсэтиилэр, бэтэрээн үлэһиттэри кытта көрсүһүүлэр, "Учуутал үрдүк аатыгар сүгүрүйэн" быыстапкалар, акциялар уо.д.а.









|