Балаҕан ыйын 29 күнүгэр  Мэҥэ Хаҥалас улууһун Алексей Шахурдин аатынан Төҥүлү уонна Иннокентий Игнатьев аатынан Хара орто оскуолаларыгар «Точка роста» кииннэрэ арылыннылар.

 “Аныгы кэм оскуолата” федеральнай  бырайыак 2024 сылга Российскай Федерация үөрэҕирии хаачыстыбатынан аан дойдуга 10 бастыҥ судаарыстыба иһигэр киирэрин хааччыйар соруктаах. Бу бырайыак чэрчитинэн 2020 сылга Россия 81 субъегар 5000 оскуолаҕа, ол иһигэр Саха Өрөспүүбүлүкэтигэр 34 муниципальнай оройуоҥҥа 96 оскуолаҕа “Точка роста” диэн цифровой уонна гуманитарнай хайысхалаах үөрэҕирии кииннэрэ аһылыннылар. Бүгүн дойду үрдүнэн кинилэр биир кэмҥэ үэлэрин саҕалыыллар.

Ол үөрүүлээх күн биһиги улууспутугар эмиэ тосхойдо. 2 бастыҥ үлэлээх оскуолаларбытыгар- И.Г.Тимофеев аатынана Майатааҕы лиссиэйгэ уонна Ф.Г.Охлопков аатынан Майа орто оскуолатыгар маннык кииннэр былырыын аһыллан биир сыллаагы улэлэрин тумугэ ситиьиилээх. Бу оскуолаларга быйыл эбии улууска эссэ 2 центр эбиллэр С.А.Шахурдин аатынан Тэцулу орто оскуолатыгар уонна И.Г. Игнатьев аатынан Харатааҕы спортивнай орто оскуола базатыгар. Бу оскуолалар улуус үөрэҕириитин тиһигэр инновационнай хайысхалаах бастакы оскуолалар быһыытынан ситиһиилээхтик үлэлээн- хамсаан кэллилэр. Кинилэр выпускниктара сыллата талбыт идэлэринэн үрдүк, орто анал үөрэх тэрилтэлэригэр киирэллэр, үөрэнээччилэр предметнэй олимпиадаларга, научнай- практическай конференцияларга ситиһиилээхтик кытталлар. Бу оскуола педагогтара идэлэрин толору баһылаабыт, үөрэтии саҥа технологияларын олоххо киллэрэр үрдүк таһымнаах кадрдар буолаллар. Онон бу түөрт оскуолаҕа “Точка роста” кииннэр аһыллаллара түбэспиччэ буолбатах. Кинилэр иннилэригэр улахан сорук турда. Технология, информатика, ОБЖ предметтэрин үөрэтиигэ уонна эбии үөрэхтээһини тэрийиигэ кинилэр инники күөҥҥэ тахсыахтаахтар, саҥа тэриллэр материальнай- техническэй базаҕа атын оскуолалар, чуолаан кырыы сытар оскуолалар, үөрэнээччилэрин дьарыктыахтаахтар, учууталларга араас семинардары, дьаһаллары ыытыахтаахтар. Быйыл Кииҥҥэ үлэлиэхтээх педагогтар идэлэрин үрдэтэр курстары бардылар. Оскуолаларга саҥа оборудование кэлэ турар. Сыллата “Точка роста” кииннэр ахсааннара элбээн иһиэхтээх.

Подробнее: https://ulus.media/2020/09/29/t-l-ge-uonna-hara-a-tochka-rosta-kiinnere-arylynnylar/