Бүгүн, сэтинньи 18 күнүгэр “Саха төрүт үгэстэригэр оҕону үөрэтии - иитии, уһуйуу” диэн темалаах Дмитрий Таас аатынан Хорообут орто оскуолатыгар Мэҥэ-Хаҥалас улууһун төрөөбүт тыл, литература учууталларын семинара буолан ааста.

Семинар сыала: төрөөбүт сахабыт тылын үөрэтиигэ, саха оҕотун иитиигэ төрүт дьарыктарбытыгар тирэҕирэн оҕону сайыннарыы. Уопсайа 20 учуутал кыттыыны ылла.

Хорообут кустовой методическай холбоһугун саха тылын уонна литературатын учуутталлара маастар кылаас ыыттылар, үлэлии сылдьар опыттарын тарҕаттылар. Семинар кыттыылаахтара Хорообут кустовой методическай холбоһук учууталларын үлэлэрин үрдүктүк сыаналаатылар, эдэр коллегаларыгар сүбэ-ама биэрдилэр. Бу курдук семинардар кустовой методическай холбоһуктарынан салгыы араас темаларга ыытыллыахтара.