Саҥа үүммүт 2018 сыл тохсунньу 14 күнүттэн 23 дылы Хотугулуу Илиҥҥи Федеральнай Университет алын компьютернай академиятын тэрээһининэн А.С.Шахурдин аатынан Төҥүлү орто оскуолатын үөрэнээччилэрэ: Баишев Федор (10 кл), Стручков Саша (10 кл), Дьячковский Данил (8 кл), Баишев Айыллаан (8 кл), Стручков Толя (8 кл), 5 киһилээх хамаанда буолан, Корея республикатыгар Сеул куоракка спортивнай дроннары салайыы Ассоциациятын тэрээһинигэр кытыннылар, Корея ытык бэлиэ сирдэригэр сырыттылар, роботтары оҥорууну билистилэр.

Тохсунньу 20-21 күннэригэр  роботтары уонна дроннары салайан үлэлэтиигэ күрэхтэстилэр. Салайааччы А.С.Шахурдин аатынан Төҥүлү орто оскуолатын учуутала Кычкин Виталий Вячеславович.

Дроннары салайыы үөрэҕин түмүгүнэн ыытыллыбыт команданан бөлөхтөөн оонньууга Стручков Саша, Баишев Федя кыттыылаах хамаанда кыайыылааҕынан таҕыстылар, хас биирдиилэригэр дроннары туттартаатылар. Оҕолор дойдуларыгар туруннулар. Сиһилии солуннары күүтэбит.