Бүгүн, ахсынньы 8 күнүгэр, Иван Михайлович Романов аатынан Төхтүр орто уопсай үөрэхтээһин оскуолата төрүттэммитэ 115 сыллаах үбүлүөйүн үөрүүлээх тэрээһинэ ыытылынна.

Бу бэлиэ күнүнэн Иван Михайлович бүүһүгэр кини төрөппүт уола Ил Түмэн дьокутаата Иннокентий Романов, ХИФУ Историческай факультетын декана Наталья Стручкова, доцент Капиталина Яковлева уонна магистрдар оскуола кэлэктиибин кытта сибэкки дьөрбөтүн уурдулар, үтүө аатын, ыыппыт үлэтин-хамнаһын сылаастык-иһирэхтик аҕыннылар.

Улуус үөрэҕин үлэһиттэрин  профсоюһун бэрэссэдээтэлэ Скрябин Иннокентий Михайлович оскуола кэлэктиибин, педагогическай үлэ бэтэрээннэрин, выпускниктары, үөрэнээччилэри, төрөппүттэри эҕэрдэлээн туран үөрэҕирии салалтатын аатыттан эҕэрдэ суругу, бэлэҕи туттарда.

Бу күн үөрэнээччилэр айар үлэлэринэн быыстапка, «Көлүөнэлэр ситимнэрэ» кылаас чаастара, оҕону үлэнэн иитии тула төгүрүк остуол, выпускниктар парааттара, эҕэрдэ кэнсиэр тэрилиннэ.