Кулун тутар 20 күнүгэр С.З. Борисов аатынан Тыыллыма орто оскуолатыгар улуустааҕы үөрэх управлениета, “Кэрэли” оҕону эбии үөрэхтээһин киин тэрийиилэринэн оҕо хамсааһынын тэрийээччилэригэр анаммыт “Сыл бастыҥ Баһаатайа” куонкурус муниципальнай этааба буолан ааста.

Куонкуруска 8 кыттааччы олор истэригэр Тыыллыма орто оскуолатыттан Сардаана Дьячковская, Павловскай орто оскуолатыттан Анастасия Капитонова, Аллараа Бэстээх бастакы нүөмэрдээх орто оскуолатыттан Елена Назарова, Ф.Г.Охлопков аатынан Майа орто оскуолаттыттан Виктория Шестакова, Төхтүр орто оскуолатыттан Мира Романова, Балыктаах орто оскуолатыттан Герасим Егоров, Томтор орто оскуолатыттан Туяра Шепелева, Дьабыыл орто оскуолатыттан Софья Прокопьева кытыннылар. Кыттааччылар балаһыанньаҕа олоҕуран,бэйэлэрин билиһиннэрдилэр, үлэлэрин уопуттарын кэпсээтилэр, маастар-кылаастары ыыттылар, араас балаһыанньаттан тахсыы ыйытыыларыгар хоруйдары биэрдилэр. Куонкурсааннар биир сүрүн ирдэбил быһыытынан киирбит маастар-кылаас түһүмэҕэр кылаас чаастарын, араас тэрээһиннэри, айар үлэ дьарыктарын о.д.а ыытан көрдөрдүлэр.

Куонкурус түмүгүнэн, Гран-при үрдүк аатын Балыктаах орто оскуолатыттан Герасим Егоров ылла. Маҥнайгы истиэпэннээх лауератынан Ф.Г.Охлопков аатынан Майа орто оскуолаттыттан Виктория Шестакова, иккис истиэпэннээх лауреатынан Аллараа Бэстээх бастакы нүөмэрдээх орто оскуолатыттан Елена Назарова буоллулар. Кыайыылаахтар аны муус устар ыйга Дьокуускайга ыытыллар республика бастыҥ баһаатайын күрэҕэр улуустарын чиэһин көмүскүөхтэрэ. Конкуруска кыттыбыттарга лауерат үһүс истиэпэнэ итиэннэ анал ааттар иҥэрилиннилэр.

Зоя ГЕРАСИМОВА.