Бүгүн, атырдьах ыйын 28 күнүгэр, улууспут үс оскуолаларыгар оҕо эт-хаан өттүнэн сайдыытын түстүүр аһаҕас спортивнай былаһааккалар үлэҕэ киирдилэр.

Улуустааҕы үөрэҕирии салалтатын салайааччытын солбуйааччы Андрей Захаров М.Е. Попов аатынан Аллараа Бэстээх орто оскуолатыгар, Балыктаах орто оскуолатыгар уонна Майа киэһээҥҥи оскуолатыгар былаһааккалар үөрүүлээх арыллыыларыгар кыттыыны ылла.

Эбийиэктэр «Хас биирдии оҕо ситиһиитэ» федеральнай бырайыак чэрчитинэн, федеральнай уонна өрөспүүбүлүкэ бүддьүөттэрэ өйөөһүннэринэн олоххо киирдилэр. Ону таһынан, бу бырайыагынан Араҥас уонна 2-с Тыыллыма нэһилиэктэрин оскуолаларыгар эбии саҥа спортивнай инвентарьдар ылылыннылар.