Бүгүн, кулун тутар 21 күнүгэр “Манчаары оҕолоро” комплекснай спартакиада иһинэн салгын саатынан “Куруппааскы” ытыыга биирдиилээн уонна хамаанданан бастыыр иһин улуус күрэхтэһиитэ буолан ааста. 

Барыта 48 оҕо 14 оскуолаттан 16 хамаанда кыттыыны ылла. Быйылгы күрэхтэһии анал байыаннай дьайыы кыттыылааҕа “Эр санаа” орден кавалера, Бэдьимэ орто оскуолатын выпускнига Баишев Петр Петрович сырдык аатыгар ананан ыытылынна. Күрэхтэһиини Бастакы Баатара нэһилиэгин салалтата, Бэдьимэ оскуолата уонна аймахтара көҕүлээн ыыттылар. Күрэхтэһии кылаабынай судьуйатынан Сидоров Александр Гаврильевич үлэлээтэ.

Түмүккэ биирдиилээн күрэххэ кыргыттарга кыайыылаах уонна призердар:

1 миэстэ Карпова Нарыйа Хара оскуолата

2 миэстэ Никифорова Света Тыыллыма оскуолата

3 миэстэ Андросова Сайаана Бэдьимэ оскуолата

Уолаттарга кыайыылаах уонна призердар:

1 миэстэ Кириллин Эрчим Хара оскуолата

2 миэстэ Прокопьев Иван Тыыллыма оскуолата

3 миэстэ Захаров Арчын Бэдьимэ оскуолата

Хамаанданнан ытыыга кыайыылаах уонна призердар:

1 миэстэ И.Г. Игнатьев аатынан  Хара орто оскуолата

2 миэстэ А.С. Шахурдин аатынан Төҥүлү орто оскуолата

3 миэстэ С.З. Борисов аатынан Тыыллыма орто  оскуолата