 Бу сыл олунньу 29 күнүгэр М.К. Аммосов аатынан Хотугулуу-Илиҥҥи олохтоох омуктар тылларын уонна култуураларын үнүстүүтүн саха тылын хаапыдыратын сэбиэдиссэйэ Чиркоева Дария Ивановна кыттыылаах «Саха тылыгар уонна литэрэтиирэтигэр биир кэлим эксээмэн уратылара. Төрөөбүт тылга уонна литэрэтиирэҕэ олимпиада үлэтин ис хоһооно, суолтата» диэн тиэмэҕэ сэминээр буолан ааста.
Уопсайа 15 оскуолаттан 22 учуутал кыттыыны ылла. Сэминээр дириҥ ис хоһоонноохтук ыытылынна, биир кэлим эксээмэн уонна олимпиада сорудахтарын биирдиилээн ырыттылар, учууталлар хас биирдии боппуруостарыгар толору быһаарыы ыллылар.
| 
