Бүгүн, сэтинньи 25 күнүгэр Дьокуускайга Саха тыйаатырыгар Саха тылын, литературатын уонна култууратын учууталларын III өрөспүүбүлүкэтээҕи сийиэһэ үлэтин саҕалаата. Сийиэскэ Мэҥэ-Хаҥалас улууһуттан 20 дэлэгээт уонна 2 ыҥырыылаах ыалдьыт кыттыыны ылаллар.

Сийиэс сүрүннүүр чааһын Ил Түмэн Судаарыстыбаннай мунньах бэрэссэдээтэлэ Еремеев А.И. арыйда. Саха Өрөспүүбүлүкэтин үөрэҕириитин уонна билимин миниистирэ Соколова Н.А. саха тылын, литературатын уонна култууратын үөрэтии туругун туһунан дакылаат оҥордо. Мэҥэ-Хаҥалас улууһун баһылыга Тихонов Д.И. сийиэскэ кыттыыны ылла уонна төрөөбүт тылы сайыннарыыга санаатын үллэһиннэ.

Улууспут бастыҥ учууталлара сийиэскэ наҕарадалары туттулар. Ол курдук, В.Н. Оконешников аатынан Павловскай орто оскуолатын учуутала Петрова Лилия Дмитриевнаҕа Тамара Ивановна Петрова аатынан Саха Өрөспүүбүлүкэтин Ил Дарханын анал бириэмийэтэ туттарылынна. Г.М. Артемьев аатынан Аллараа Бэстээх орто оскуолатын учуутала Гоголева Анна Серафимовна «Саха Өрөспүүбүлүкэтигэр төрүт тыллары харыстааһыҥҥа уонна сайыннарыыга кылаатын иһин» бочуоттаах бэлиэнэн наҕараадаланна. Н.Д. Неустроев аатынан Бэдьимэ орто оскуолатын учуутала Емельянова Анна Прокопьевнаҕа Саха Өрөспүүбүлүкэтин Ил Түмэнин бэрэссэдээтэлэ Еремеев А.И., И.М. Романов аатынан Төхтүр орто оскуолатын учуутала Зыков Афанасий Васильевичка Саха Өрөспүүбүлүкэтин Ил Түмэнин бэрэссэдээтэлин бастакы солбуйааччы Жирков А.Н. махталларын биллэрдилэр.

Салгыы дэлэгээттэр «Учуутал мастарыскыайа» саха тылын, литературатын уонна култууратын бастыҥ учууталларын, иитээччилэрин маастар-кылаастарыгар кыттыыны ыллылар.